މިރޭ ހުޅުވާ ސިނަމާލެ ބްރިޖުގައި، އާންމުން ދަތުރުފަތުރުކުރުމުގެ ގޮތުން ބަހުގެ ޚިދުމަތް ދޭން، މޯލްޑިވްސް ޕޯޓްސް ލިމިޓެޑް (އެމްޕީއެލް) އަށް ޙުއްދަ ދީފިއެވެ.
އެކުންފުންޏަށް މިކަމުގެ ހުއްދަ ދީފައިވަނީ މޯލްޑިވްސް ޓްރާންސްޕޯޓް އޮތޯރިޓީގެ ފަރާތުންނެވެ.
ޓްރާންސްޕޯޓް އޮތޯރިޓީގެ ފަރާތުން އެމްޕީއެލް އަށް ބަހުގެ ޚިދުމަތް ދިނުމުގެ ހުއްދަ ދީފައިވާކަމުގެ ލައިސަންސް ހަވާލުކޮށްދެއްވާފައިވަނީ އެ އޮތޯރިޓީގެ ޗީފް އެގްޒެކެޓިވް، މަހުދީ އިމާދެވެ. އަދި އެމްޕީއެލްގެ ފަރާތުން މި ލައިސަންސާ ހަވާލުވެވަޑައިގެންފައިވަނީ އެކުންފުނީގެ ޗީފް އެގްޒެކެޓިވް އޮފިސަރ، އަބްދުއް ރައްޒާޤު ޙަލީމެވެ.
މިއަދު އެކަމަށްޓަކައި ބޭއްވި ރަސްމިއްޔާތުގައި ޓްރާންސްޕޯޓް އޮތޯރިޓީ އާއި އެމްޕީއެލްގެ އިސް ފަރާތްތަކުން ވަނީ ބައިވެރިވެފައެވެ.
އާންމު ދަތުރުފަތުރުތަކަށް ބްރިޖު ހުޅުވާލާނީ އަންނަ ސެޕްޓެމްބަރު މަހުގެ ހަތް ވަނަ ދުވަހު އެވެ.