ބޮލީވުޑްގެ މަޝްހޫރު އެކްޓަރު ޝާހިދް ކަޕޫރް އާއި އޭނާގެ އަނބިމީހާ މީރާ ރާޖްޕޫތު އަށް ލިބުނު ދެވަނަ ދަރިފުޅުގެ ނަމަކަށް "ޒައިން ކަޕޫރް" ކިޔައިފި އެވެ.
ޝާހިދް ވަނީ މި ޚަބަރު އޭނާގެ ރަސްމީ ޓްވިޓާ އެކައުންޓް މެދުވެރިކޮށް ފޭނުންނާއި ހިއްސާކޮށްފަ އެވެ.
Zain Kapoor is here and we feel complete. Thank you for all the wishes and blessings. We are overjoyed and so grateful. Love to all. ❤️🙏
— Shahid Kapoor (@shahidkapoor) September 7, 2018
އަދި އޭނާ ވަނީ ފޭނުންގެ ހެޔޮ އެދުންތަކަށް ޝުކުރު ވެސް އަދާކޮށްފަ އެވެ.
ޝާހިދް އާއި މީރާގެ ދެވަނަ ދަރިފުޅު އުފަންވީ މިދިޔަ ބުދަ ދުވަހު އެވެ. މިހާރު ވެސް އެ ދެމަފިރިންގެ އުމުރުން 2 އަހަރުގެ އަންހެން ދަރިއަކު ހުރެއެވެ. އެ ކުއްޖާއަށް ކިޔަނީ މީޝާ ކަޕޫރް އެވެ.
ޒައިން އުފަންވުމާއި ގުޅިގެން އެ ދެމަފިރިންގެ ރައްޓެހިންނާއި ފޭނުންގެ ހެޔޮ އެދުންތައް ދަނީ ޓްވިޓާ އާއި އިންސްޓަގްރާމްގައި އޮހެމުންނެވެ. މި ދެމެދުން އިއްޔެ ޝާހިދްގެ ޓްވިޓާ އާއި އިންސްޓަގްރާމް އެކައުންޓް ވަނީ ބަޔަކު ހެކް ވެސް ކޮށްފަ އެވެ. އެހެންނަމަވެސް އޭގެ ގަޑިއިރުތަކެއް ފަހުން އެ މައްސަލަ ވަނީ ހައްލުކޮށްފަ އެވެ.