ރޭގެ ޖަލްސާގައި އިވިގެން ދިޔައީ ރައީސް ޔާމީން އަބްދުލްޤައްޔޫމް ނުފޫޒު ބޭނުން ކޮށްގެން ގިނަ ބައެއްގެ ހައްގުތަކަށް އަރައިގަތްކަމުގެ އިއުތިރާފް ކަމަށް މިސަރުކާރުގެ ކުރީގެ ނައިބު ރައީސް ޑރ. ޖަމީލް ވިދާޅުވެއްޖެއެވެ.
ޑރ ޖަމީލް މިހެން ވިދާޅުވީ ޕީޕީއެމްގެ މެނިފެސްޓޯ ހާމަކުރުމަށްކަމަށް ބުނެ "ބްރިޖް ސަޅި" މިނަމުގައި ރޭ ޕީޕީއެމުން ބޭއްވި ޖަލްސާގައި ރައީސް ޔާމީން ދެއްކެވި ވާހަކަފުޅުތަކަށް އިޝާރާތްކުރައްވާ ކުރެއްވި ޓްވީޓެއްގައެވެ.
Nimigen dhiya iruves Vaudhu thakeh nai. Anehkkaa ves udhaasthakeh ohssaalithan fennunee. Ivigen dhiyaee nufooz beynun kohgen gina baehge hahquthakah araigai kamuge iuthiraafu. YAG ves @ibusolih ge verikameh fesheykan rey qabool kurehvi. Bodu manzaru mirey dhahkkalamaa?
— Mohamed Jameel Ahmed (@MJameelAhmed) September 8, 2018
އެ ޓްވީޓްގައި ޑރ. ޖަމީލް ވިދާޅުވީ ނިމިގެން ދިޔައިރުވެސް ވައުދުތަކެއް ނައި ކަމުގައެވެ. ފެނިގެން ދިޔައީ އަނެއްކާ ވެސް އުދާސްތަކެއް އޮއްސާލިތަން ކަމަށް ވެސް ވިދާޅުވިއެވެ.
"ނިމިގެން ދިޔައިރުވެސް ވައުތުތަކެއް ނައި. އަނެއްކާވެސް އުދާސްތަކެއް އޮއްސާލިތަން ފެނުނީ. އިވިގެން ދިޔައީ ނުފޫޒު ބޭނުން ކޮށްގެން ގިނަ ބައެއްގެ ހައްގުތަކަށް އަރައިގަތްކަމުގެ އިއުތިރާފް. ޔާމީން އަބްދުލްްޤައްޔޫމް ވެސް އިބޫ ސޯލިހްގެ ވެރިކަމެއް ފެށޭކަން ރޭ ގަބޫލު ކުރެއްވި. ބޮޑު މަންޒަރު މިރޭ ދައްކާލަމާ؟" ޑރ. ޖަމީލް ވިދާޅުވިއެވެ.
ރޭ ޕީޕީއެމުން ބޭއްވި ޖަލްސާއަށް ފަހުން މިރޭ އިއްތިހާދުން ބާއްވަން ތައްޔާރު ވަމުންދާ ބޮޑު ޖަލްސާއަށް ގިނަ ބަޔަކު ދަނީ އިންތިޒާރު ކުރަމުންނެވެ.