އިލެކްޝަންސް ކޮމިޝަން (އީސީ) އިން ވޯޓުލުމުގެ ހައްގަށް އަރައިގަންނަމުންދާ ކަމަށާއި އެކޮމިޝަނަކީ ވައްކަމުގެ ހާއްޔެއް ކަމަށް ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މިއަދު ކުރެއްވި ޓްވީޓެއްގައި މުސްތަފާ ވަނީ އީސީއާއި ދޭތެރޭ ވަރަށް ބޮޑަށް ހިތްހަމަނުޖެހުން ފާޅުކޮށްފައެވެ.
އީސީއިން މިދޭތެރޭން ކުރި ކަމަކީ ދުވަހަކު ވެސް ރާއްޖެއިން ބޭރަށް ނުދާ މީހުން ލަންޑަން، ޕެރިން އަދި ނިއުޔޯކް އަށް ރަޖިސްޓްރީ ކުރީ ކަމަށާއި، މިހާރު ކުރާ ކަމަކީ ރަށްރަށުގެ ރައްޔިތުން މާލެއަށް ރަޖިސްޓްރީ ކުރުން ކަމުގައި މުސްތަފާ ވިދާޅުވެފައިވެއެވެ. "ކޮބާ ކަލޯމެންގެ ލަދު" މުސްތަފާ ވިދާޅުވިއެވެ.
.@ElectionsMv akee vahkamuge haahyeh! Mi dheytherein kuri kamakee Dhuvahaku ves Raajje in beyrah nudhaa meehun’ London, Paris, New York ah vote registry kuree, mi haaru kuraa kamakee Rah rashu ge Rahyithun Male’ ah vote registry kuranee, kobaa kalo meh ge lathu.
— Mohamed Musthafa (@Thimarafushi) September 10, 2018
މުސްތަފާގެ އިތުރު ޓްވީޓެއްގައި އޭނާ ވަނީ ރަށްރަށުގައި ދިރިއުޅޭ ރައްޔިތުން އެމީހުންނަށް ނޭނގި މާލެއަށް ވޯޓު ރަޖިސްޓްރީ ކުރަމުންދާ ކަމަށާއި އެއީ ވޯޓުގެ ހައްގަށް އަރައިގަތުމަށް އިލެކްޝަނުން ފާޅުގައި ކުރާ ބޮޑު ވައްކަމެއް ކަމުގައި ވެސް ބުނެފައިވެއެވެ.
Rah Rashuga dhiri ulhey meehun nah ingumakaa nulaa e meehun Male’ ah vote laagothah EC in registry kuramun e badhey! Mii Vote ge haggah araagathumah faalhuga kuraa bodu vahkameh! @ElectionsMv
— Mohamed Musthafa (@Thimarafushi) September 10, 2018
ރީ-ރެޖިސްޓްރީ ކުރުމުގައި އީސީއިން އަމަލު ކުރައްވާ ގޮތްތަކާއި މެދު ގިނަ ބައެއްގެ ހިތްހަމަނުޖެހުން ދަނީ އެ މުއައްސަސާއަށް އަމާޒު ވަމުންނެވެ.