އއ. ތޮއްޑޫގައި އިމާރާތް ކުރި ވަގުފް ބިންތައް އެ ރަށު ކައުންސިލާ ހަވާލުކޮށްފި އެވެ.
މިކަން ހާމަކޮށްފައި ވަނީ ހައުސިންގ މިނިސްޓަރ ޑރ. މުހައްމަދު މުއިއްޒު މިއަދު ކުރެއްވި ޓްވީޓެއްގަ އެވެ.
AA.Thoddoo gai huri vaguf binthah rayyithunnah laabayaa manfaa libeyney kankamah beynunkurumah Thoddoo Council aa mihaaru vanee havaalu kurevifai. Mee Raees Yameen Thoddoo rayyithunnah vaudhu vevadaigennevi kameh.
— Dr Mohamed Muizzu (@MMuizzu) September 10, 2018
އެ ޓްވީޓްގައި މުއިއްޒު ވިދާޅުވެފައި ވަނީ ތޮއްޑޫގައި ވަޤުފް ބިންތައް ރައްޔިތުންނަށް ލާބަޔާއި މަންފާ ލިބޭނެ ކަންކަމަށް ބޭނުން ކުރުމަށް ތޮއްޑޫ ކައުންސިލާއި މިހާރު ވަނީ ހަވާލު ކުރެވިފައި ކަމަށެވެ.
"މިއީ ރައީސް ޔާމީން ތޮއްޑޫ ރައްޔިތުންނަށް ވައުދުވެވަޑައިގެންނެވި ކަމެއް"، މުއިއްޒުގެ ޓްވީޓްގައި ފާހަގަކުރެއްވި އެވެ.
މިދިޔަ ހަފްތާގައި އަރިއޮތޮޅާއި ނިލަންދެ އަތޮޅު ދެކުނުބުރީގެ ބައެއް ރަށްރަށަށް ރައީސް ޔާމީން ކުރެއްވި ދަތުރުފުޅުގައި، އަރިއަތޮޅު އުތުރުބުރީ ތޮއްޑުއަށް ވަޑައިގެން އެރަށުގެ ރައްޔިތުންނާ ބައްދަލުކޮށްލެއްވުމަށްޓަކައި ބޭއްވެވި ރަސްމިއްޔާތުގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ އެ ރަށުގެ ވަޤުފް ބިންތައް ރައްޔިތުންނަށް ދޫކުރުމަށް އެމަނިކުފާނު ނިންމާފައިވާ ކަމަށެވެ.
ރައީސް ޔާމީން ވިދާޅުވީ އެ ބިންތައް ރައްޔިތުންނަށް ހޯދައި ދެނީ ސަރުކާރުން ބަދަލުދީގެން ކަމަށާއި އެ ވަޤުފް ބިންތަކަށް ރައްޔިތުން ބަދަލުދޭކަށް ނުޖެހޭނެ ކަމަށާއި، ތޮއްޑޫއިން 80 ގޯތި ދޫކުރުމަށް ކައުންސިލަށް އަންގަވާފައިވާ ކަމަށެވެ.