ދިވެހިރާއްޖޭގައި ނޫސްވެރިކަމުގެ މިނިވަންކަން ކަށަވަރުކޮށްދެއްވުމަށް ގުޅިފައިވާ އިދިކޮޅު ސިޔާސީ ޕާޓީތަކުގެ ރިޔާސީ ކެންޑިޑޭޓް، އިބްރާހިމް މުހައްމަދު ސޯލިހު (އިބޫ) ވައުދުވެވަޑައިގެންފި އެވެ.
އިބޫ މިގޮތަށް ވައުދުވެވަޑައިގެންފައި ވަނީ އަބުރުގެ ޤާނޫނު އުވާލައި ނޫސްވެރިންނާއި ދެކޮޅަށް އަނިޔާކުރާ ފަރާތްތަކަށް ދައުވާ ކުރަން އަދި މިނިވަން ނޫހުގެ ނޫސްވެރިޔާ އަހުމަދު ރިލްވާން ގެއްލުވާލި މައްސަލަ އަލުން ތަހުޤީޤު ކުރުމަށް އިބޫ އާއި ރައީސް އަބްދުﷲ ޔާމީން ވައުދުވެވަޑައިގަންނަވަން ޖެހޭ ކަމަށް ބުނެ ނޫސްވެރިކަމުގެ މިނިވަންކަމަށް ވަކާލާތުކުރާ ބައިނަލްއަޤްވާމީ ޖަމިއްޔާއެއް ކަމަށްވާ، އާރްއެފްއެސް އިން ކުރި ޓްވީޓަކަށް ޖަވާބު ދެއްވަައި ކުރެއްވި ޓްވީޓެއްގަ އެވެ.
I pledge to open investigations into journalist Ahmed Rilwan’s disappearance, Yameen Rasheed’s murder, repeal the anti defamation act and ensure press freedom. https://t.co/NSllWXagzj
— Ibrahim Mohamed Solih (@ibusolih) September 15, 2018
އެ ޓްވީޓްގައި އިބޫ ވިދާޅުވެފައި ވަނީ ނޫސްވެރިޔާ އަހްމަދު ރިލްވާން ގެއްލުވާލި މައްސަލައާއި، ޔާމީން ރަޝީދު މަރާލި މައްސަލައިގެ ހުޅުވާލެވިފައިވާ ތަހުޤީޤެއް ކުރުމަށާއި، އަބުރު ރައްކާތެރި ކުރުމުގެ ޤާނޫނު އުވާލައި، ނޫސްވެރިކަމުގެ މިނިވަންކަން ކަށަވަރުކޮށްދިނުމަށް ވައުދުވެވަޑައިގަންނަވާ ކަމަށެވެ.
އިބޫ ގެންދަވަނީ އެމަނިކުފާނު ވެރިކަމަށް ހޮވިވަޑައިގެންފިނަމަ، ރިލްވާން އާއި ޔާމީން ރަޝީދުގެ މައްސަލަތައް ތަހުޤީޤުކޮށް، ނޫސްވެރިންނަށް ރައްކާތެރި މާހައުލެއް ޤާއިމްކޮށްދެއްވާނެ ކަމަށް ތަކުރާރުކޮށް ވިދާޅުވަމުންނެވެ.