މިއަހަރުގެ ޖުލައިން ސެޕްޓެމްބަރަށް އަލަށް އުފެއްދި ވަޒީފާއާއި، ޖެނުއަރީ މަހު 65 ފުރޭ މީހުުންނަށް ދެވޭ އެލެވަންސް އަންނަ އަހަރުގެ ބަޖެޓުގައި ރައީސް އޮފީހުގެ ތަރުޖަމާނު އިބްރާހީމް މުއާޒު އަލީ ވިދާޅުވެއްޖެއެވެ.
މުއާޒް ކުރެއްވި ޓްވީޓެއްގައި ވިދާޅުވީ އެއީ ރައްޔިތުންނަށް އޮޅުވާލުމަށް، އިދިކޮޅު ފަރާތްތަކުން ކޮށްފައިވާ ފިނޑި، ދަށު ދަރަޖައިގެ މާޔޫސީ އަމަލެއް ކަމަަށެވެ.
"މީސް މީޑިއާގައި ދައުރުކުރާ މި ސިޓީ އަކީ ފޭކް ސިޓީއެއް! ސިޓީގެ ނަންބަރަކީ ރައީސް އޮފީހުގެ ނަންބަރެއް ނޫން. ނަންބަރު 88 ބޭނުން ކުރަނީ ޓޫރިޒަމް މިނިސްޓްރީގެ ސިޓީތަކުގައި. މިއީ ރައްޔިތުންނަށް އޮޅުވާލުމަށް، އިދިކޮޅު ފަރާތްތަކުން ކޮށްފައިވާ ފިނޑި، ދަށު ދަރަޖައިގެ މާޔޫސީ އަމަލެއް" މުއާޒް ވިދާޅުވިއެެވެ.
"Mees media gai dhaurukuraa mi sitee akee #fake sitee eh! Sitee ge number aky Raees ofyhuge number eh noon! Number 88 beynu kurany @TourismMv sitee thakugai. Miee, rayyithunnah olhuvaalumah, idhikolhu faraaiythakun kohfaivaa findi, dhashudharajaige maayoosee amaleh!" -im pic.twitter.com/cGDdkwbRLB
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) September 17, 2018
ދައުރުވަމުން ދާ ސިޓީގައި ބުނެފައިވަނީ މި އަހަރުގެ ޖުލައިން ފެށިގެން ސެޕްޓެމްބަރުގެ ނިޔަލަށް އަލަށް އުފައްދާ ވަޒީފާތަކުގެ މުސާރައާއި އިނާޔާތްތައް އެ މަގާމެއް އުފެއްދި ތާރީހުން ފެށިގެން މިމަހުގެ ނިޔަލަށް ހަމަޖައްސަވަމުން ގެންދެވުމަށާއި، އެ ތާރީހުގެ ފަހުން އެ މަގާމުތައް އުވާލުމަށް ހަމަޖައްސަވާފައިވާތީ އަންނަ އަހަރުގެ ބަޖެޓް ހެއްދެވުމުގައި އެ މަގާމުގެ މުސާރަތައް ނުހިމެނުއްވުމަށް ރައީސް ވިދާޅުވެފައިވާ ކަމަށެވެ.
އަދި ރިޓަޔާކުރާ އުމުރު 70 އަހަރަށް ބަދަލުކުރުމަށް ރައީސް ނިންމަވާފައިވާތީ އަންނަ އަހަރުގެ ބަޖެޓުގައި ޖެނުއަރީ އަށް 65 އަހަރު ފުރި 70 އަހަރު ނުފުރޭ މީހުންނަށް ދެވޭ އެލެވަންސް ނުހިމެނެއްވުމަށް ދެންނެވުމަށް ވެސް ރައީސް ވިދާޅުވެފައިވާކަމަށެވެ.