މީހަކު ތެލުގެ ވާހަކަ ބުނާ ކޮންމެ ފަހަރަކު އެއީ ޔާމީން އަބްދުލްޤައްޔޫމްގެ "އަބުރުފުޅު" ކަމަށާއި މިހާރު ޔާމީންގެ އޮންނަނީ "ތެޔޮ އަބުރެއް" ކަމަށް ވަރަށް ސާފު ވެއްޖެ ކަމުގައި އެމްޑީޕީގެ ނައިބް ރައީސް މުހައްމަދު ޝިފާޒު ވިދާޅުވެއްޖެއެވެ.
ޝިފާޒް މިހެން ވިދާޅުވީ ވަގު ތެޔޮ ރިޕޯޓްގެ މައްސަލައިގައި އެމްޑީޕީގެ ޗެއާޕާސަން ހަސަން ލަތީފް ޕޮލިހަށް ހާޒިރު ކުރުމަށް ޗިޓް ހަވާލުކުރުމާއި ގުޅިގެންނެވެ.
Meehakau theluge vaahakah bunaa konme faharaku eii #YAG ge “Aburufulhu”. @MDPSecretariat Chairperson @HassanLatheef ah chit havaalukurumakun #YAG ge vakkamuge thuhumatheh nunimey. @PoliceMv mihaaru varah saafu. #YAG ge onnanee THEYO ABUREH. #TheyoAburu #VaguOut #YagOut pic.twitter.com/w7Id5TtCoU
— Mohamed Shifaz🎈 (@mdpshippe) September 19, 2018
އެކަމަށް އިޝާރާތް ކުރައްވާ ޝިފާޒް ކުރެއްވި ޓްވީޓްގައި އިތުރަށް ވިދާޅުވީ އެމްޑީޕީގެ ޗެއާޕާސަން ހަސަން ލަތީފަށް ޗިޓް ހަވާލު ކުރުމަކުން ޔާމީން އަބްދުލްޤައްޔޫމްގެ ވައްކަމުގެ ތުހުމަތެއް ނުނިމޭ ކަމަށެވެ.
ހަސަން ލަތީފް ފުލުހަށް ހާޒިރުވުމަށް އަންގާފައި ވަނީ "ވަގު ތެޔޮ ސްޕެޝަލް" ނަމުގައި އެމްޑީޕީގެ ފަރާތުން ރިޕޯޓެއް ތައްޔާރުކޮށް މިހިނގާ ސެޕްޓެމްބަރު މަހުގެ ތިން ވަނަ ދުވަހު އެމްޑީޕީގެ ފަރާތުން ނޫސްވެރިންގެ ބައްދަލުވުމެއް ބާއްވައި ރާއްޖެޓީވީ މެދުވެރިކޮށް އެ ރިޕޯޓާ ބެހޭ މައުލޫމާތު މުޅި ރާއްޖެއަށް ބްރޯޑްކާސްޓް ކޮށްފައިވާތީ ކަމަށް ބުނެއެވެ.