ޝެއިޚް އިލްޔާސްގެ ސަލާމަތަށް އެދޭ ހުރިހާ ބޭފުޅުން މާދަމާ އިބޫއަށް ވޯޓު ދެއްވުމަށް މަޝްހޫރު ދީނީ އިލްމުވެރިޔާ ޑރ މުހައްމަދު އިޔާޒު އިލްތިމާސް ކުރައްވައިފިއެވެ.
މިއަދު ކުރެއްވި ޓްވީޓެއްގައި ޑރ.އިޔާޒް ވިދާޅުވީ މާދަމާގެ ވޯޓުން ޔާމީން މޮޅުވެއްޖެނަމަ، ޝެއިޚް އިލްޔާސްއާއި މެދުގައިވެސް ކަންތައް ކުރައްވާނީ ޝެއިޚް އިމްރާނާއިމެދު ވެސް ކަންތައް ކުރެއްވި ގޮތަށް ކަމަށެވެ.
Maadhamaage vote in Yameen molhuvejje nama, Shk Iliyas aa medhugaves kankuravvaanee Shk Imran aa medhu kankurevvi gothah.
Shk ilyas ge salaamathah edhey hurihaabeyfulhun maadhama @ibusolih ah vote dhehvumah ilthimas kuran.— Dr.Mohamed Iyaz (@dr_iyaz) September 22, 2018
"މާދަމާގެ ވޯޓުން ޔާމީން މޮޅުވެއްޖެނަމަ، ޝެއިޚް އިލްޔާސްއާއި މެދުވެސް ކަންކުރައްވާނީ ޝެއިޚް އިމްރާނާއިމެދު ކަން ކުރެއްވި ގޮތަށް. ޝެއިޚް އިލްޔާސްގެ ސަލާމަތަށް އެދޭ ހުރިހާ ބޭފުޅުން މާދަމާ އިބޫސޯލިހުއަށް ވޯޓު ދެއްވުމަށް އިލްތިމާސް ކުރަން" ޑރ.އިޔާޒް ވިދާޅުވިއެވެ.
ޑރ.އިޔާޒް މިހެން ވިދާޅުވިއިރު އަދާލަތު ޕާޓީގެ އިލްމުވެރިންގެ ރައީސް ޝެއިހް އިލްޔާސްގެ ޕާސްޕޯޓު މިއަދު ވަނީ ހިފަހައްޓައިފިއެވެ. އިލްޔާސްގެ ޕާސްޕޯޓު ހިފެހެއްޓިކަން އެނގުނީ މިއަދު ހެނދުނު ގަމުން ސްރީލަންކާއަށް ފުރުމަށް އެއާޕޯޓަށް ދިއުމުންނެވެ. އިލްޔާސްގެ ޕާސްޕޯޓު ހިފެހެއްޓުމަށް އަމުރު ނެރެފައިވަނީ ހިތަދޫ މެޖިސްޓްރޭޓު ކޯޓުންނެވެ.