ބަންދުގައި ބައިތިއްބަންޖެހޭ ސަބަބެއް ނެތް ކަމަށް ބުނެ ކޮލަމާފުށިން ހައްޔަރު ކުރި 18 މީހުން ދޫކޮށްލުމަށް ކޯޓުން އަމުރު ނެރެފިއެވެ.
ގއ. ވިލިނގިލީ މެޖިސްޓްރޭޓް ކޯޓުން މި އަމުރު ނެރެފައިވަނީ ފުލުހުން މި ފަރާތްތައް މިނިވަން ކުރުމަށް ކޯޓަށް ހުށަހެޅުމުން ކަމަށް މައުލޫމާތު ލިބެއެވެ.
އޮގަސްމަހުގެ 18 ވަނަ ދުވަހު ހައްޔަރު ކުރެވުނު މިމީހުން މިނިވަން ކޮށްފައި މިވަނީ 26 ދުވަސް ފަހުންނެވެ. މި އަމުރު ނެރެފައިވަނީ މިއަދު ގާތްގަނޑަކަށް 11 ޖަހާކަންހާއިރު ކަމަށް މައުލޫމާތު ލިބެއެވެ.
ކޮލަމާފުށީ ކައުންސިލްގެ ރައީސް އަހުމަދު ފުއާދު ރާއްޖެ ޓީވީއަށް ދެއްވި އިންޓަވިއުއެއްގައި ވަނީ މިކަން ކަށަވަރު ކޮށްދެއްވާފައެވެ. އަދި މިކަމުގައި މަސައްކަތް ކޮށްދެއްވި ވިލިނގިލި އަދި ކޮލަމާފުށީގެ ރައްޔިތުންނަށް ޝުކުރުއަދާ ކުރައްވާފައެވެ.