ރިޔާސީ އިންތިޚާބުގައި ރައްޔިތުން ނިންމެވި ނިންމެވުމާއި ގުޅިގެން ބަޔަކު ގައުމު ހަލަބޮލި ކޮށްލަން އުޅުނު އުޅުމުގައި ދިވެހި ފުލުހުންނާއި ސިފައިން ދެއްކެވި ސާބިތުކަމާއި ހިތްވަރަށް އައްސަރިބަހާއި ސާބަސް ދަންނަވާ ކަމަށް ދީނީ އިލްމުވެރިޔާ ޝެއިޚް އިލްޔާސް ހުސައިން ވިދާޅުވެއްޖެއެވެ.
މި ވާހަކަ ހިއްސާކުރައްވާފައި ވަނީ ޝެއިޚް އިލްޔާސް ކުރެެއްވި ޓްވީޓެއްގައެވެ.
Nimigen dhiya riyaasee inthikhabu gai dhivehi rayyithun nimmevi nimmevuma gulhigen bayaku Qaumu halabolikollan ulhunu ulhunu huttuvumugai dhivehi heevaagi sifainnai fuluhun dhekkevi saabithukamai hivvarah assaribahai saabas dhannavan
جزاكم الله خيرا— Ilyas Hussain (@shkilyas) September 25, 2018
"ނިމިގެންދިޔަ ރިޔާސީ އިންތިޚާބުގައި ދިވެހި ރައްޔިތުން ނިންމެވި ނިންމެވުމާއި ބަޔަކު ގައުމު ހަލަބޮލި ކޮށްލަން އުޅުނު އުޅުން ހުއްޓުވުމުގައި ދިވެހި ހީވާގި ސިފައިންނާއި ފުލުހުން ދެއްކެވި ސާބިތުކަމާއި ހިތްވަރަށް އައްސަރިބަހާއި ސާބަސް ދަންނަވަން. ޖަޒާކުމުﷲ ޚައިރަން." އިލްޔާސް ވިދާޅުވިއެވެ
ރައްޔިތުންގެ ނިންމުން ނިންމެވުމަށްފަހު ފުލުހުންނާއި ސިފައިންގެ ފަރާތުން ލިބެމުންދާ އެއްބާރުލެއްވުން ގިނަ ފަރާތްތަކަކުން ދަނީ ފާހަގަ ކުރައްވަމުންނެވެ. އިންސާފުވެރިކަމާއި އެކު ޒަމާންތަކަކަށްފަހު އެ ފަރާތްތަކުން އަމަލު ކުރައްވަން ފައްޓަވައިފި ކަމަށް ގިނަ ބަޔަކު ދަނީ ބުނަމުންނެވެ.