ޔޮޓް ޓްއާސްގެ ޗެއާމަން އަދި ކުރީގެ ރައީސް މުހައްމަދު ނަޝީދުގެ ސިޔާސީ އެޑްވައިޒަރު ވިޔަފާރިވެރިޔާ އަބްދުﷲ ޖާބިރު ރާއްޖެ ވަޑައިގަންވަން ނިންމައިފިއެވެ.
މާދަމާ ރާއްޖެ އަންނަ ކަމަށް އޭނާ ކުރެއްވި ޓްވީޓެއްގައި ވަނީ ހާމަ ކުރައްވާފައެވެ.
ޖާބިރުއަށް ވަނީ އިނގިރޭސިވިލާތުން ސިޔާސީ ހިމާޔަތްދީފައެވެ. އަބްދުﷲ ޖާބިރު ވިދާޅުވެފައިވަނީ ތިމާގެ މީހުންނާއި، ރަހުމަތްތެރިންނާ ބައްދަލުކޮށް، ބިރެއް ނެތި އަރާމުގައި ދިރިއުޅެ ވިޔަފާރި ކޮޅަށް ޖެހުމަށް މާދަމާ ރޭ ރާއްޖެ އަންނާނެ ކަމަށެވެ.
UK ge himaayathuga aharakah fahu gina dhuvahu hurumahfahu Alhuganduge thimaage, rahmaiytherinna bahdhalkoh, bireh nethi araamuga dhiriulhe viyafaari kolhah jehumah UL103 Colombo in Jazeera Raajjeah alhugandu land kuraany maadhamaa 1950hrs ga! IA! Marhaba President Elect @ibusolih
— Abdulla jabir (@chairmanjabir) September 25, 2018
"ޔޫކޭގެ ހިމާޔަތުގަ އަހަރަކަށް ފަހު ގިނަދުވަހު ހުރުމަށްފަހު، އަޅުގަނޑުގެ ތިމާގެ، ރަހުމަތްތެރިންނާއި ބައްދަލުކޮށް، ބިރެއްނެތި އަރާމުގަ ދިރިއުޅެ، ވިޔަފާރި ކޮޅަށްޖެހުމަށް ޔޫއެލް 103 ކޮލޮމްބޯއިން ޖަޒީރާ ރާއްޖެއަށް އަޅުގަނޑު ލޭންޑު ކުރާނީ މާދަމާ 19:50 ގަ! އިންޝާﷲ! މަރުހަބާ ޕްރެޒިޑެންޓް އިލެކްޓް އިބޫ ސޯލިހް" ޖާބިރު ވިދާޅުވިއެވެ.
ޔޫއެލް 103 ކޮލަމްބޯ އިން މާދަމާ ރޭ 19:50 ގައި ރާއްޖެ ވަޑައިގަންނަވާނެ ކަން އިއުލާނު ކުރައްވާ އަބްދުﷲ ޖާބިރު ވަނީ ރިޔާސީ އިންތިހާބު ކާމިޔާބު ކުރެއްވި އިބްރާހީމް މުހައްމަދު ސޯލިހަށް މަރުހަބާ ދަންނަވާފައެވެ.
ކާށިދޫ ދާއިރާގެ މެންބަރުކަންވެސް ކުރައްވާފައިވާ ޖާބިރަށް އިނގިރޭސި ވިލާތުން ހިމާޔަތް ދީފައިވާއިރު އިޓަލީގައި ހުންނެވުމަށްފަހު 2017 ވަނަ އަހަރުގެ ޖޫން މަހު ޖާބިރު ލަންޑަނަށް ވަޑައިގެންނެވި ދަތުރު މަތީގައި އުޅުއްވަނިކޮށް ދިވެހި ސަރުކާރުން ވަނީ ޖާބިރުގެ ޕާސްޕޯޓް ކެންސަލްކޮށްފައެވެ.