ރިޔާސީ އިންތިހާބު ފޭރުމުގެ ފުރުސަތު ދިވެހި ރައްޔިތުން ނުދޭނެ ކަމަށް ހިތަދޫ ދެކުނު ދާއިރާގެ މަޖިލިސް މެންބަރު އަލީ ނިޒާރު ވިދާޅުވެއްޖެއެވެ.
ނިޒާރު މިހެން ވިދާޅުވެފައި މިވަނީ، ރިޔާސީ އިންތިހާބުގެ ދާއިމީ ނަތީޖާ އިއުލާންކުރުން ފަސްކޮށްދިނުމަށް އެދި ޕީޕީއެމްގެ ފަރާތުން އިލެކްޝަންސް ކޮމިޝަނުގައި އެދިފައި ވަނިކޮށެވެ.
ނިޒާރު ކުރެއްވި ޓްވީޓެއްގައި ވިދާޅުވީ އެއްހާސް ފަހަރު އިންތިހާބު ބޭއްވިޔަސް ރައީސް އަބްދުﷲ ޔާމީން ނުހޮވޭނެ ކަމަށެވެ. އަދި އިންތިހާބު ފޭރެން ރައްޔިތުން ފުރުސަތެއް ނުދޭނެ ކަމަށް ވެސް ނިޒާރު ވަނީ ވިދާޅުވެފައެވެ.
1000 Faharu Inthihaab beyviyas Yaamin nuhoveyne. Inthihaab feyren Rayyithun Furusath Nudheyne. Bali gabool koh fahathah jehen ulhen vee. Mee emmen ge gaumu. @ahmed_nihan @abkhaleel
— Ali Nizar (@DhekunuNizar) September 26, 2018
ނިޒާރު ވިދާޅުވީ ބަލި ގަބޫލުކޮށްގެން ފަހަތަށް ޖެހެން އުޅެންވީ ކަމަށާއި މިއީ އެންމެންގެ ގައުމު ކަމަށެވެ.