ހަތަރު އަހަރުގެ މެދުކެނޑުމަކަށްފަހު ސިޔާސީ ޕާޓީއަކާއި ގުޅުމަށް ނިންމާފައިވާކަމަށް ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފު ވިދާޅުވެއްޖެއެވެ.
ޕީޕީއެމްއިން ވަކިވެ މިނިވަން މެމްބަރެއްގެ ގޮތުގައި ހުންނެވި މަހްލޫފު ސިޔާސީ ޕާޓީއަކާއި ގުޅޭއިރު އަދި އޭނާ ގުޅެނީ ކޮން ޕާޓީއަކާއި ކަމަށް ބުނެފައި ނުވެއެވެ.
After 4 years In Sha Allah I will be joining a political party soon.
— Ahmed Mahloof (@AhmedMahloof) October 2, 2018
ތަފާތު ދައުވާ އުފުލައި ގިނަ ދުވަސްތަކެއް ވަންދެން ގޭ ބަންދުގައި ހުންނެވި މަހްލޫފު ދާދި ފަހުން ވަނީ އެމްޑީޕީ އާއި ރައިސް ނަޝީދުއަށް ތާއިދުކޮށް ވާހަކަ ދައްކަވާފައެވެ. މަހްލޫފު ސިޔާސީ ދާއިރާއަށް ނެރެދެއްވާފައިވަނީ ރައީސް މައުމޫންއެވެ. ޕީޕީއެމްއިން ވަކިވެ ހުންނެވި ނަމަވެސް މަހްލޫފު އަބަދުވެސް ރައީސް މައުމޫންއަށް ވަރަށް ބޮޑަށް އިހުތިރާމް ކުރެއްވިއެވެ.
އެހެންކަމުން މަހްލޫފު މައުމޫން އާއިއެކު އަލުން ސިޔާސީ މަސައްކަތްތަކުގައި އުޅުއްވުމަކީވެސް އެކަށީގެންވާ ކަމެކެވެ.
ޖެހިލުމެއް ނެތި ހައްގަށް ވަކާލާތު ކުރެއްވި މަހްލޫފު ހައްޔަރުވަންދެން ހުންނެވީ ގުޅިފައިވާ ސިޔާސީ ޕާޓީތަކުން އުފެއްދި އެމްޔޫއޯގެ ތަރުޖަމާނަކަށެވެ.