ވެރިކަން ބަދަލު ކުރުމުގެ ކަންކަން އޮމާން ކަމާއި އެކު ނުގެންދެވެނީނަމަ ރައީސް ޔާމީން ވެރިކަމުން ދުރުކޮށް ނައިބް ރައީސް ޖިހާދުގެ ބެއްލެވުމުގެ ދަށުން ކަންކަން ކުރިއަށް ގެންދިއުން ބުއްދިވެރިކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރިޔާސީ އިންތިހާބު ގުޅިފައިވާ ސިޔާސީ ޕާޓީތަކުގެ ކެންޑިޑޭޓު އިބްރާހިމް މުހައްމަދު ސޯލިހު (އިބޫ) ކާމިޔާބު ކުރެއްވުމާއި ގުޅިގެން ސަރުކާރު ބަދަލު ކުރުމުގެ މަސައްކަތް މިހާރު ވަނީ ފެށިފައެވެ. އެގޮތުން ގާނޫނުން ލާޒިމް ކުރާ ޑިރެކްޓަރ ޖެނެރަލް އޮފް ޓްރާންސިޝަންއަށް ސީވީޑު ލަޠީފު އައްޔަންކޮށް ޕާމަނަންޓު ސެކެޓްރީންގެ ބެއްލެވުމުގެ ދަށުން މަސައްކަތް ވަނީ ފެށިފައެވެ.
Verikan badhal kurumuge kankan omaan kamaieku kuriah nugendhevenee nama, Raees Yameen verikamun dhurukoh, Naib Raees Jihad ge belluvumuge dhashun kankan kuriah gendhiun budhdhiveri
— Mohamed Nasheed (@MohamedNasheed) October 2, 2018
ވެރިކަން ބަދަލު ކުރުމުގެ ކަންކަން އޮމާން ކަމާއި އެކު ނުދާނަމަ ރައީސް ޔާމީން ވެރިކަމުން ދުުރުކުރަން ޖެހޭކަމަށް ނަޝީދު ވިދާޅުވިއިރު އިންތިހާބުގެ ނަތީޖާ ގަބޫލް ނުކުރާ ފަދަ މޭރުމަކުން ރައީސް ޔާމީން ދަނީ ވާހަކަފުޅު ދައްކަވަމުންނެވެ. އަދި މަގުތަކަށް މީހުން ނިކުތުމަށް ގޮވާލާފައިވާ އިރު މިއަދުވެސް ޕީޕީއެމްއިން ވަނީ އިލެކްޝަން ކަމިޝަނަށް އިންތިހާބު އޮޅުވާލާފައިވާކަމަށް ތުހުމަތުކޮށްފައެވެ.
ޕީޕީއެމްއިން މިހާރު ދައްކާ ވާހަކަތަކަށް ބަލާއިރު އިންތިހާބު ބާޠިލް ކުރަން ކޯޓަށް ހުށަހެޅުންވެސް ކައިރިއެވެ.