އިންޑިއާގެ ބޮޑުވަޒީރު، ނަރޭންދްރަ މޯދީ، ކުރީގެ ރައީސް މައުމޫން އަބްދުލް ޤައްޔޫމް އަށް ފޯނުން ގުޅުއްވައި ހިތްވަރުދެއްވައިފި އެވެ.
ރައީސް މައުމޫން މިއަދު ކުރެއްވި ޓްވީޓެއްގައި ވިދާޅުވެފައި ވަނީ މޯދީ އެމަނިކުފާނަށް ގުޅުއްވައި ރާއްޖޭގެ ޑިމޮކްރެސީއަށް ދެއްވި އެހީތެރިކަމާއި ހިތްވަރަށް ޝުކުރު އަދާކުރައްވާ ކަމަށެވެ.
Thank you Excellency PM @narendramodi for your telephone call today and for your strong support for our democratic process. I am particularly grateful for the kind sentiments you have expressed about me personally.
— Maumoon Abdul Gayoom (@maumoonagayoom) October 2, 2018
އަދި އެމަނިކުފާނާމެދު މޯދީ ގެންގުޅުއްވާ ގާތްކަމަށް ވެސް ރައީސް މައުމޫން ވަނީ ޝުކުރު އަދާކުރައްވާފައެވެ. ރައީސް މައުމޫން އާއި މޯދީ އާއި ދެމެދު ދެކެވުނު ވާހަކަތަކުގެ އިތުރު ތަފްސީލެއް ހާމަކުރައްވާފައެއް ނުވެއެވެ.
މޯދީ ވަނީ މީގެ ކުރިން އިންތިޚާބީ ރައީސް، އިބްރާހިމް މުހައްމަދު ސޯލިހު (އިބޫ) އާއި ވެސް ގުޅުއްވައި އިންތިޚާބުގައި ހޯއްދެވި ކާމިޔާބީ އަށް މަރުޙަބާ ވިދާޅުވެފަ އެވެ.