ޔޫރަޕިއަން ޔުނިއަންގެ ފަރާތުން ރާއްޖެ ޒިޔާރަތްކުރެއްވި ވަފްދުގެ އެމްބެސެޑަރ ޓަންގް-ލައި މަރގުއޭ އިލެކްޝަން ކަމިޝަންގެ ރައީސް އަހުމަދު ޝަރީފު އާއި މިއަދު ބައްދަލު ކުރައްވައިފިއެވެ.
EC met with the Ambassador of the Delegation of the EU, Tung-Laï Margue regarding the allegations and threats upheaved after declaring PE 2018 result pic.twitter.com/jdqpoiokNm
— Elections Commission (@ElectionsMv) October 8, 2018
ޝަރީފު އާއި އެމްބެސެޑަރ ޓަންގް- ލައި އާއި އެކު ބޭއްވި ބައްދަލުވުމުގައި ނިމިގެން ދިޔަ އިންތިހާބުގެ މައުލޫމާތު ވަނީ އީޔޫ ވަފްދަށް އަރުވާފައެވެ. އަދި އިންތިހާބަށް ފަހު އިލެކްޝަން ކަމިޝަނަށް ކުރަމުންދާ ތުހުމަތު ތަކާއި ކަމިޝަންގެ މެމްބަރުންނަށް ދެމުންދާ މަރުގެ އިންޒާރިތަކުގެ ތަފްސީލްވެސް ވަނީ ހިއްސާކޮށްފައެވެ.
ޝަރީފު ފިޔަވައި އިލެކްޝަންގެ ދެން ތިއްބެވި ހަތަރު މެމްބަރުން ވަނީ އަވަށްޓެރި ލަންކާއަށް ވަޑައިގެންފައެވެ. އެ މެމްބަރުން ގައުމު ދޫކޮށް ދިޔައީ އިންތިހާބަށް ފަހު ލިބެމުންދާ އިންޒާރުތަކާއި ގުޅިގެން ކަމަށް ޝަރީފު ވަނީ ވިދާޅުވެފައެވެ.