ދިވެހިރާއްޖޭގެ ގައުމީ ޔުނިވާސިޓީ އިން އަލަށް އުފައްދާފައިވާ މެޑިސިން ސްކޫލުގެ ޑީންއަކަށް ޑރ. ޝީޒާ އަލީ މިއަދު އައްޔަން ކުރައްވައިފިއެވެ. mun
ޑީންގެ މަގާމަށް ޑރ. ޝީޒާ އައްޔަންކޮށް މަގާމުގެ ލިއުން ހަވާލުކޮށްފައިވަނީ އެކަމަށްޓަކައި ހާއްސަކޮށް ގައުމީ ޔުނިވާސިޓީގައި މިއަދު ބޭއްވި ރަސްމިއްޔާތެއްގައެވެ.
މެޑިކަލް ސްކޫލުގެ ފުރަތަމަ ބެޗްގެ ކިޔެވުން އަންނަ ހަފްތާގެ ތެރޭގައި ފެށުމަށް ދަނީ ތައްޔާރުވަމުންނެވެ. ފުރަތަމަ ބެޗް ފަށަނީ 37 ދަރިވަރުންނާއެކުގައެވެ. އެކޯހަކީ އަލަށް ފަށާ ކޯހެއްކަމުން ގޮންޖެހުންތަކެއް ކުރިމަތިވި ނަމަވެސް ސްޕެޝަލިސްޓް ޑޮކްޓަރުންތަކެއް ތަމްރީނުކުރެވޭ ކޯހަކަށް އެކޯސް ހެދުމަށް މަސައްކަތް ކުރައްވާނެ ކަމަށް މެޑިސިން ސްކޫލާއި ހަވާލުވުމަށް ފަހު ޑރ. ޝީޒާ ވަނީ ވިދާޅުވެފައެވެ.
ޝީޒާވަނީ އެމްބީބީއެސްގެ އިތުރުން ބިޒްނަސް މެނޭޖްމަންޓްގެ ދާއިރާއިން މާސްޓާސް ހާސިލު ކުރައްވާފައެވެ. ޑރ. ޝީޒާ ވަނީ އައިޖީއެމްއެޗާއި އައި ކެއާގައި މަސައްކަތް ކުރައްވާފައެވެ. އަދި އޭނާ ވަނީ ހެލްތް މިނިސްޓްރީގެ ޑިރެކްޓަރު ޖެނެރަލްކަމުގެ މަގާމު ވެސް ފުރުއްވާފައެވެ.