ސަރުކާރުގެ އިސްވެރިންތަކެއް ގިނަ އަދަދެއްގެ ފައިސާ ރާއްޖޭން ބޭރަށް ގެންދަން އުޅޭކަމުގެ މައުލޫމާތުތަކެއް ލިބިގެން އެމައުލޫމާތު ފުލުހުންނާއި ހިއްސާކޮށްފިއެވެ.
I am here at @PoliceMv HQ to officially lodge a criminal case involving certain officials of the current govt taking large sums of money illegally out of Maldives.
— Ali Hussain (@AleeVoice) October 10, 2018
ރައްުޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން މިއަދު ކުރެއްްވި ޓްވީޓެއްގައި ވިދާޅުވީ ސަރުކާރު އިސްވެރިންތަކެއް ގިނަ އަދަދެއްގެ ފައިސާ ރާއްޖެއިން ބޭރުކުރަން އުޅޭކަމުގެ މައުލޫމާތު ލިބުމާއި ގުޅިގެން ފުލުހުންގެ އިދާރާއަށް ގޮސް މައުލޫމާތު ހިއްސާކޮށްފައިވާ ކަމަށެވެ.
އަލީ ވިދާޅުވީ އެމައްސަލަ ރަސްމީކޮށް ފުލުހުންގެ އިދާރާއިން ބަލައިގެންފައިވާ ކަމަށެވެ.
ސަރުކާރުގެ އިސް އޮފިޝަލުންތަކެއް ގިނަ އަދަދެއްގެ ފައިސާ ރާއްޖޭން ބޭރުކުރުމަށް ރާއްޖޭގައި ހިންގާ ބައެއް ބޭންކުތަކުން ނަގަމުންދާ ކަމުގެ އަޑު ސޯޝަލް މީޑިއާގައި ދަނީ ފެތުރެމުންނެވެ.
މިކަމާއި ގުޅިގެން ފުލުހުން އަދި ވަކިއެއްޗެއް ހާމަކޮށްފައި ނުވެއެވެ.