ސަރުކާރު ހިންގާ ޕާޓީ، ޕީޕީއެމްގެ އެކްޓިވިސްޓުންތަކެއް ޖަލަށްލުމަށް ރައީސް އަބްދުﷲ ޔާމީން އަބްދުލް ޤައްޔޫމް ތައްޔާރުވެއްޖެ ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހްމަދު މަހުލޫފް ވިދާޅުވެއްޖެ އެވެ.
މަހުލޫފް މިހެން ވިދާޅުވީ މިއަދު ކުރެއްވި ޓްވީޓެއްގަ އެވެ.
Vote olhuvaalan masahkaiy kurikamah amilla ah iuthiraaf vegen PPM ge activistun thakeh jalah fonuvaalan Yameen thayyaru vejje.
SC ga massala kuriah dhaairu, vote olhuvaaleveytho PPM inn kuri kankan rayyithunnah haamavaane kamah ummeedhu kuran.#OlhuvaanulevunuVote https://t.co/G62gozeFQQ
— Ahmed Mahloof (@AhmedMahloof) October 13, 2018
އެ ޓްވީޓްގައި މަހުލޫފް ވިދާޅުވެފައި ވަނީ ވޯޓު އޮޅުވާލަން މަސައްކަތްކުރި ކަމަށް އަމިއްލައަށް އިއުތިރާފް ވެގެން ޕީޕީއެމް އެކްޓިވިސްޓުންތަކެއް ޖަލަށް ފޮނުވާލަން ރައީސް ޔާމީން ތައްޔާރުވެއްޖެ ކަމަށެވެ.
އަދި ސުޕްރީމް ކޯޓުގައި އިންތިޚާބުގެ މައްސަލަ ކުރިއަށްދާއިރު، ވޯޓު އޮޅުވާލެވޭތޯ ޕީޕީއެމް އިން ކުރި ކަންތައްތައް ރައްޔިތުންނަށް ހާމަވެގެންދާނެ ކަމަށް އުންމީދުކުރައްވާ ކަމަށްވެސް މަހުލޫފް ވިދާޅުވި އެވެ.
މިފަދައިން ވިދާޅުވެ މަހުލޫފް ޓްވީޓްކުރެއްވީ ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން ކުރެއްވި ޓްވީޓަކަށް ޖަވާބުދެއްވަމުންނެވެ.
ސިނާން ކުރެއްވި ޓްވީޓްގައި ވިދާޅުވެފައި ވަނީ ޕީޕީއެމް އިން ވޯޓު އޮޅުވާލުމަށް ގެނައި އަނގޮޓިތައް ޕީޕީއެމްގެ އިސް އެކްޓިވިސްޓުންގެ އަތުގައި މިހާރުވެސް އެބަހުރި ކަމަށެވެ.
PPM in vote olhuvalumah genai angoti thah PPM ge iss activistunge athuga mi haru ves ebahuri.R.Yamin SC ah husha elhi masalai gai coalition ai dokolhah dogu heki dhinumah mi activistunah dani majbor kuramun.Adhi dogu heki nudey mehun vazefa in vaki kurane kamah dani inzaru demun.
— Abdulla Sinan (@ablosinan) October 13, 2018
"ރައީސް ޔާމީން ސުޕްރީމް ކޯޓަށް ހުށަހެޅި މައްސަލާގައި ކޯލިޝަނާއި ދެކޮޅަށް ދޮގު ހެކި ދިނުމަށް މި އެކްޓިވިސްޓުންނަށް ދަނީ މަޖުބޫރު ކުރަމުން"، ސިނާން ވިދާޅުވި އެވެ.
އަދި ދޮގު ހެކި ނުދޭ މީހުންނަށް ވަޒީފާއިން ވަކިކުރާނެކަމުގެ އިންޒާރު ދެމުންދާ ކަމަށްވެސް ސިނާން ވަނީ ވިދާޅުވެފަ އެވެ.
މިދިޔަ ސެޕްޓެމްބަރު މަހުގެ 23 ވަނަ ދުވަހު ބޭއްވި ރިޔާސީ އިންތިޚާބުގެ ވޯޓު އޮޅުވާލި ކަމަށް ބުނެ އެ އިންތިޚާބު ބާތިލްކުރުމަށް، ނާކާމިޔާބުވެވަޑައިގެންނެވި ރައީސް އަބްދުﷲ ޔާމީން ވަނީ ސުޕްރީމް ކޯޓަށް ދުސްތޫރީ މައްސަލައެއް ހުށަހަޅުއްވާފައެވެ. އެ މައްސަލައިގެ ޝަރީޢަތް ވަނީ މާދަމާ އަށް ސުޕްރީމް ކޯޓްގައި ތާވަލްކޮށްފަ އެވެ.