އެމެރިކާ އާއި އދ. ގެ އިތުރުން ވިލާތުގެ އިއްތިހާދު (އީޔޫ) އާއި ޗައިނާ އަދި ސައުދި އަރަބިއާ ވެސް އޮތީ އިންތިޚާބީ ރައީސް، އިބްރާހިމް މުހައްމަދު ސޯލިހު (އިބޫ)ގެ ސަރުކާރާއެކު ކަމަށް ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވެއްޖެ އެވެ.
މިއަދު ކުރެއްވި ޓްވީޓެއްގައި މުސްތަފާ ވިދާޅުވެފައި ވަނީ އެ ހުރިހާ ޤައުމަކާއި ޖަމިއްޔާތައް ވެސް އޮތީ އިބޫގެ ސަރުކާރާއެކު ކަމަށާއި، ރައީސް އަބްދުﷲ ޔާމީން އާއެކު އެކަކުވެސް ނެތް ކަމަށެވެ.
USA, UN, EU, Adhi China, Saudi Ves othee @ibusolih ge sarkaaraa eku ga. Thaa eku ekakuves neh RYameen aky Mujithamaau ge there ah dhookohlaafa bahataavaru meeheh noon kamah mulhi dhiniye ihthifaagu vey..!
— Mohamed Musthafa (@Thimarafushi) October 13, 2018
"ރައީސް ޔާމީން އަކީ މުޖުތަމަޢުގެ ތެރެއަށް ދޫކޮށްލާފަ ބަހައްޓާވަރު މީހެއް ނޫން ކަމަށް މުޅި ދުނިޔެ އިއްތިފާޤު ވޭ"، މުސްތަފާގެ ޓްވީޓްގައި ވިދާޅުވެފައި ވެއެވެ.
މުސްތަފާ ކުރެއްވި އިތުރު ޓްވީޓެއްގައި ވިދާޅުވެފައި ވަނީ ރައީސް ޔާމީން ހުންނެވީ 'ބޯ ނުބައިވެފައި' ކަމަށެވެ.
Excellency Hunnevi boa gudaafa. Boa Nubai vefa,
Rahyithun ge haradhuga bolah beys kohdhehvavee! Aasandha in nama ves.. https://t.co/VAG43ej0vG— Mohamed Musthafa (@Thimarafushi) October 13, 2018
"ރައްޔިތުންގެ ޚަރަދުގައި ބޮލަށް ބޭސްކޮށްދެއްވަންވީ! އާސަންދައިން ނަމަވެސް.."، މުސްތަފާ ވިދާޅުވި އެވެ.
މުސްތަފާ މިހެން ވިދާޅުވިއިރު، ނިމިގެންދިޔަ ރިޔާސީ އިންތިޚާބު ބާތިލްކުރުމަށް ރައީސް އަބްދުﷲ ޔާމީންގެ ފަރާތްޕުޅުން ސުޕްރީމް ކޯޓަށް ހުށަހެޅި ދުސްތޫރީ މައްސަލައިގެ ޝަރީޢަތް މާދަމާ މެންދުރުފަހު 13:00 އަށް ވަނީ އެ ކޯޓުގައި ތާވަލްކޮށްފަ އެވެ.