ރައްޔިތުންގެ ނިންމުން ބަދަލު ގެނައުމުގެ ހައްގެއް ސުޕުރީމް ކޯޓަށް ލިބިގެން ނުވާކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްްޖއެވެ.
ރިޔާސީ އިންތިހާބު ބާޠިލް ކުރުމަށް އެދި ރައީސް އަބްދުﷲ ޔާމީން ސުޕްރީމް ކޯޓަށް ހުށަހަޅުއްވާފައިވާ ދުސްތޫރީ މައްސަލައިގެ އަޑުއެހުން ސްޕްރީމް ކޯޓުގައި ކުރިއަށްދަނިކޮށް ނަޝީދު ކުރެއްވި ޓްވީޓެއްގައި ވިދާޅުވީ ރައްޔިތުންގެ ނިންމުން ބަދަލުކުރުމަށް ހުށަހެޅި މައްސަލަ ސުޕްރީމު ކޯޓުން ބަލައިގެންފައި ވަނީ އުސޫލުތަކާ ހިލާފަށް ކަމަށެވެ.
Nimidhiya riyaasee inthikhaab gai Dhivehin vanee Hon. Ibrahim Mohamed Solih Dhivehinge Raees akah inthikhaab kohfa.E ninmumah badhalu geneumah, us’ool thakaa khilaafah SC vanee massala balaiganefa.Hingumuge haqqu neiy mi massala ehen gothakah ninmumuge haqqu adhi vakin SC ah neiy
— Mohamed Nasheed (@MohamedNasheed) October 14, 2018
ނިމިގެން ދިޔަ ރިޔާސީ އިންތިހާބުގައި ދިވެހިން ވަނީ ރައީސުލްޖުމްހޫރިއްޔާގެ މަގާމަށް އިބްރާހިމް މުހައްމަދު ސޯލިހު އިންތިހާބުކޮށްފައި ކަމަށާއި އެ ނިންމުމަށް ބަދަލު ގެނައުމަށް އުސޫލުތަކާ ހިލާފަށް ސުޕްރީމް ކޯޓުން މައްސަލަ ބަލައިގެންފައިވާ ކަމަށާއި އެހެންނަމަވެސް ހިންގުމުގެ ހައްގު ނެތް މައްސަލައެއް އެހެން ގޮތަކަށް ނިންމުމުގެ ހައްގު ސުޕްރީމް ކޯޓަށް ލިބިގެން ނުވާކަމަށް ނަޝީދު ވިދާޅުވިއެވެ.
ރިޔާސީ އިންތިހާބާއި ގުޅޭ މައްސަލައިގެ ތެރެއަށް އިދިކޮޅު ހަތަރު ލީޑަރުން ވަނީ ތަދައްޚުލްވެވަޑައިގެންފައެވެ. މައްސަލައިގެ އަޑުއެހުން މިހާރު ސްޕްރީމް ކޯޓުގައި ދަނީ ކުރިއަށެވެ.