ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ޤައްޔޫމް އާއި ގުޅޭ އެއްވެސް ވާހަކައެއް ސައުދި އަރަބިއާއިން ނުދައްކަވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދު މިހެން ވިދާޅުވެފައި ވަނީ ސައުދި އަރަބިއާގެ ރަސްގެފާނު ސަލްމާން ބިން އަބްދުލްޢަޒީޒް އާލް-ސައުދުގެ ދައުވަތަކަށް އެ ޤައުމަށް ކުރެއްވި ދަތުރުފުޅު ނިންމަވާލެއްވުމަށްފަހު ކުރެއްވި ޓްވީޓެއްގަ އެވެ.
Alhugadai Saudi Walee Ahudh Mohamed Bin Salman aai bahdhaluve dhekevunu vaahakathakuge thereyga, Raajje aai gulhey vaahaka thakugai vidhaalhuvee KSA in gulhun baavvan beynunfulhuvanee eiregga onna sarukaara ekuga kamah. Raees Yameen aai gulhey evves vaahakaeh vidhaalheh nuvey
— Mohamed Nasheed (@MohamedNasheed) October 17, 2018
އެ ޓްވީޓްގައި ރައީސް ނަޝީދު ވިދާޅުވެފައި ވަނީ އެމަނިކުފާނާއި ސައުދީ ވަލީ އަހުދު މުހައްމަދު ބިން ސަލްމާން އާއި ބައްދަލުވެ ދެކެވުނު ވާހަކަތަކުގެ ތެރޭގައި ރާއްޖޭއާއި ގުޅޭގޮތުން ދެއްކެވި ވާހަކަތަކުގެ ތެރޭގައި ސައުދީން ބޭނުންވަނީ އަބަދުވެސް އެ އިރެއްގައި އޮންނަ ސަރުކާރަކާ ގުޅުންބާއްވަން ކަމަށް ބުނެފައިވާ ކަމަށެވެ.
"ރައީސް ޔާމީން އާއި ގުޅޭ އެއްވެސް ވާހަކައެއް ވިދާޅެއް ނުވޭ"، ނަޝީދުގެ ޓްވީޓްގައި ވިދާޅުވެފައި ވެއެވެ.
އެމަނިކުފާނު ސައުދީ އަށް ކުރެއްވި ދަތުރުފުޅު ނިންމަވާލެއްވުމަށްފަހު އެނބުރި އިނގިރޭސިވިލާތަށް ވަޑައިގަންނަވާފައި ވަނީ މިއަދު ހެނދުނުގެ ވަގުތެއްގަ އެވެ.