ރައީސް އަބްދުﷲ ޔާމީން އަބްދުލް ޤައްޔޫމް ޤައުމު ދޫކުރައްވައި ފުރާވަޑައިގަންނަވަން އުޅުއްވަނީ ކީއްވެތޯ، މި ސަރުކާރުގެ ފުރަތަމަ ނައިބު ރައީސް ޑރ. މުހައްމަދު ޖަމީލް އަހްމަދު ސުވާލުކުރައްވައިފި އެވެ.
ޑރ. ޖަމީލް މިފަދައިން ސުވާލުކުރައްވާފައި ވަނީ މިއަދު ކުރެއްވި ޓްވީޓެއްގަ އެވެ.
Nudhekey varuge corruption, mulhi qawm ge gina bayakah aniyaa, Dhaulah bangroot koh,Majlis &court thakah araigane bodethi Jareemaathah.Qawm dhookurahvai thiya furaivadai gannavan ulhuhvanee keehve thoa?Gut koh minivan thahqeeqakah kurimathi lahvavaa RY. حسبن الله ونعم الوكيل pic.twitter.com/hyFyWKB3Bs
— Mohamed Jameel Ahmed (@MJameelAhmed) October 17, 2018
އެ ޓްވީޓްގައި ޑރ. ޖަމީލް ވިދާޅުވެފައި ވަނީ ރާއްޖޭގެ ތާރީޚުގައި ވެސް ނުދެކޭ ވަރުގެ ކޮރަޕްޝަނާއި މުޅި ޤައުމުގެ ގިނަ ބަޔަކަށް އަނިޔާވެރިވެ، ދައުލަތް ބަނގުރޫޓުކޮށް، މަޖިލީހާއި ކޯޓުތަކަށް އަރައިގަނެ ބޮޑެތި ޖަރީމާތައް ހިންގެވުމަށްފަހު، ޤައުމު ދޫކުރައްވައި ފުރާވަޑައިގަންނަވަން އުޅުއްވަނީ ކީއްވެތޯ އެވެ.
"ގަޓްކޮށް މިނިވަން ތަޙުޤީޤަކަށް ކުރިމަތިލައްވާ ރައީސް ޔާމީން. حسبن الله ونعم الوكيل"، ޑރ. ޖަމީލް ކުރެއްވި ޓްވީޓްގައި ވިދާޅުވެފައި ވެއެވެ.
ރައީސް ޔާމީން ޤައުމުން ފިއްލަވަން އުޅޭކަމަށް އިދިކޮޅު ފަރާތްތަކުން ތުހުމަތުކުރަމުން ދާއިރު، އެމަނިކުފާނުގެ އަނބިކަނބަލުން ފަސްޓް ލޭޑީ، މެޑަމް ފާތިމަތު އިބްރާހިމް ވަނީ މިމަހު ކުރީ ކޮޅު ސައުދީ އަރަބިއްޔާއަށް ފުރާވަޑައިގެންފަ އެވެ. އޭގެ ފަހުން އެކަމަނާ ރާއްޖެ ވަޑައިގެންފައެއް ނުވެ އެވެ.