ދިވެހި ތާރީޚު ދުށް އެންމެ ޚިދުމަތްތެރި ރައީސަކީ ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ޤައްޔޫމް ކަމަށް ސަރުކާރު ހިންގާ ޕާޓީ، ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެ އެވެ.
އަދުރޭ މިހެން ވިދާޅުވީ މިއަދު ކުރެއްވި ޓްވީޓެއްގަ އެވެ.
Dhivehi thaareekh’u dhuh enme kh’idhumaiytheri Ra’ees akee RY.Qaanoon nagahattaa dhemehettumaa’eku amilla vantha sifa thakeh huri Gaumeh binaa kurehvumah dhevvi iskan faahaga kurevey.Gaumu dhemi oiy haa hin’dhaku E manikfaanuge Kh’idhumathah fan’du kameh naannaane.@VaguthuOnline
— Abdul Raheem Abdulla (@Banafsaa) October 17, 2018
އެ ޓްވީޓްގައި އަދުރޭ ވިދާޅުވެފައި ވަނީ ރައީސް ޔާމީން އަކީ ޤާނޫނު ނަގަހައްޓާ ދެމެހެއްޓުމާއެކު އަމިއްލަވަންތަ ސިފަތަކެއް ހުރި، ޤައުމެއް ބިނާ ކުރެއްވުމަށް އިސްކަން ދެއްވި ބޭފުޅެއްކަން ފާހަގަކުރެވޭ ކަމަށެވެ.
"ޤައުމު ދެމިއޮތްހާ ހިނދަކު އެމަނިކުފާނުގެ ޚިދުމަތަށް ފަނޑުކަމެއް ނާންނާނެ"، އަދުރޭ ވިދާޅުވި އެވެ.
އަދުރޭ މިހެން ވިދާޅުވީ ނިމިގެންދިޔަ ރިޔާސީ އިންތިޚާބު ބާތިލްކުރުމަށް ރައީސް އަބްދުﷲ ޔާމީން ސުޕްރީމް ކޯޓަށް ދުސްތޫރީ މައްސަލައެއް ހުށަހަޅާފައިވާ ދަނޑިވަޅެއްގަ އެވެ.
އެ މައްސަލައިގެ އަޑުއެހުންތައް އިއްޔެ ނިންމާލާފައިވާއިރު، ދެން އޮންނާނީ މައްސަލައިގެ ޙުކުމް އިއްވުމެވެ.
އިންތިޚާބުން 41.6% ގެ މައިނޯރިޓީއަކުން ނާކާމިޔާބުވެވަޑައިގަތް ރައީސް ޔާމީން ވަނީ ސެޕްޓެމްބަރު މަހުގެ 24 ވަނަ ދުވަހު ބަލި ޤަބޫލުކުރައްވައި، 58.4% އާއެކު އިންތިޚާބު ކާމިޔާބުކުރެއްވި އިބްރާހިމް މުހައްމަދު ސޯލިހު (އިބޫ) އަށް މަރުޙަބާ ދަންނަވާފައެވެ.
އެހެންނަމަވެސް އޭގެ ފަހުން ރައީސް ޔާމީން އާއެކު ޕީޕީއެމް އިން ގެންދަނީ އިލެކްޝަންސް ކޮމިޝަން (އީސީ) އިން އިންތިޚާބު އޮޅުވާލާފައިވާ ކަމަށް ބުނެ ސިލްސިލާ ގޮތެއްގައި މުޒާހަރާކުރަމުންނެވެ.