ރާއްޖޭގެ މޫސުމާއި ބެހޭ މުހިންމު މަޢުލޫމާތުތައް އާންމުންނަށް ފޯރުކޮށްދިނުމަށްޓަކައި މޫސުމާއި ބެހޭ ޤައުމީ އިދާރާ (މެޓް އޮފީސް) އިން ވައިބަރ ޕަބްލިކް ޗެޓެއް އުފައްދައިފި އެވެ.
To cater for a wider audience in providing weather, earthquake and tsunami Alerts and daily weather update, we have created a community Viber group.
Those who wish to continue recieving these Alerts and weather information, kindly join "MV_WeatherAlertService" viber group. pic.twitter.com/gN9lh48b8V— Maldives Meteorology (@MetMaldives) October 19, 2018
މެޓް އޮފީހުން މަޢުލޫމާތު ދޭ ގޮތުގައި "MV_WeatherAlertService"ގެ ނަމުގައި މި ވައިބަރ ގްރޫޕް އުފެއްދުމުގެ މައިގަނޑު މަޤްސަދަކީ މޫސުމާއި، ބިންހެލުމާއި ސުނާމީފަދަ ގުދުރަތީ ކާރިސާތަކުގެ އެލާޓްތަކުގެ އިތުރުން ކޮންމެ ދުވަހެއްގެ މޫސުމާބެހޭ މަޢުލޫމާތު ވީހާވެސް ގިނަ ރައްޔިތުންނަށް ފޯރުކޮށްދިނުން ކަމަށެވެ.
އެހެންކަމުން މޫސުމާއި ބެހޭ މަޢުލޫމާތުތަކާއި އެލާޓްތައް ލިބިލައްވަން ބޭނުންފުޅުވާ ހުރިހާ ފަރާތްތަކުން މި ވައިބަރ ޗެޓަށް ޖޮއިން ކުރެއްވުމަށް މެޓް އޮފީހުން ވަނީ އެދިފައެވެ.
މެޓް އޮފީހުން މީގެ ކުރިން މޫސުމާއި ބެހޭ މަޢުލޫމާތުތައް ފޯރުކޮށްދެމުން އައީ އެ އިދާރާގެ ރަސްމީ ޓްވިޓާ އަދި ފޭސްބުކް އެކައުންޓް މެދުވެރިކޮށެވެ.