އަވަށްޓެރި އިންޑިއާގެ ބޮޑުވަޒީރު، ނަރެންދްރަ މޯދީ، ދިވެހި ބަހުން ޓްވީޓެއް ކުރައްވައިފި އެވެ.
މޯދީ ދިވެހި ބަހުން ޓްވީޓް ކުރެއްވީ އިންޑިއާ އަށް މިނިވަންކަން ލިބުމުގައި އެންމެ އިސްކޮށް ޙަރަކާތްތެރިވި، މަހާތުމާ ގާންދީ އަށް އެންމެ ކަމުދިޔަ ލަވަ ކަމަށްވާ "ވައިޝްނަވް ޖާން ތޯ"، ދިވެހި ލަވަކިޔުންތެރިންތަކެއް ކިޔާފައިވާތީ އެކަމަށް އިޝާރާތްކޮށެވެ.
"ވައިޝްނަވް ޖާން ތޯ" މި ލަވަ ކިޔުއްވާފައިވަނީ ރާއްޖޭގެ ހުނަރުވެރި ލަވަކިޔުންތެރިން މުޙައްމަދު ޝާހިދު އަދި މަރިޔަމް ވަހީދާއެވެ. ގާންދީގެ ސުލްޙައިގެ ފަލްސަފާއާއި ދެމެހެއްޓެނިވި ތަރައްޤީ އަދި ސާފުތާހިރުކަމުގެ ހަރަކާތް ދިވެހިރާއްޖޭގެ ދިރިއުޅުމުގެ ވައްޓަފާޅި ދައްކުވައިދެއެވެ.
— Narendra Modi (@narendramodi) October 20, 2018
މޯދީ ދިވެހި ބަހުން ކުރެއްވި ޓްވީޓްގައި ވިދާޅުވެފައި ވަނީ "ވައިޝްނަވް ޖާން ތޯ"، މި ލަވަ ކިޔުއްވާފައިވަނީ ރާއްޖޭގެ ހުނަރުވެރި ލަވަކިޔުންތެރިން މުޙައްމަދު ޝާހިދު އަދި މަރިޔަމް ވަހީދާ ކަމަށެވެ.
"ގާންދީގެ ސުލްޙައިގެ ފަލްސަފާއާއި ދެމެހެއްޓެނިވި ތަރައްޤީ އަދި ސާފުތާހިރުކަމުގެ ހަރަކާތް ދިވެހިރާއްޖޭގެ ދިރިއުޅުމުގެ ވައްޓަފާޅި ދައްކުވައިދެއެވެ."، އެ ޓްވީޓްގައި މޯދީ ވިދާޅުވެފައި ވެއެވެ.
ގާންދީ ވަނީ އެ ޓްވީޓް ލެޓިން އިން ވެސް ތަކުރާރުކުރައްވާފަ އެވެ.
Gandhi ge sul’haige falsafa, dhemehetenivi tharahgy aai saafthaahiru kamuge harakaiy raajjeyge dhiriulhumuge vahtafaalhin dhahkuvaidhey. #Gandhi150
— Narendra Modi (@narendramodi) October 20, 2018
ގާންދީގެ 150 ވަނަ އުފަން ދުވަސް ފާހަގަކުރުމުގެ ގޮތުން "ވައިޝްނަވް ޖާން ތޯ"، މި ލަވަ، ދުނިޔޭގެ 124 ޤައުމެއްގެ ލަވަކިޔުންތެރިން ކިޔާފައިވާކަން ފާހަގަކޮށްލެވެ އެވެ.
ގާންދީގެ އުފަންދުވަހަކީ 02 އޮކްޓޯބަރު 1869 އެވެ.