ސުޕްރީމު ކޯޓުން މިއަދު ކުރި ހުކުމުން ފަނޑިޔާރުން ސާބިތުކޮށްދިނީ ރާއްޖޭގައި އަދުލު އިންސާފު ދިރި ދެމިއޮތް ކަންކަމަށް ޖުމްހުރީ ޕާޓީގެ ލީޑަރ ގާސިމް އިބްރާހިމް ވިދާޅުވެއްޖެއެވެ.
ގާސިމް މިފަދައިން ވިދާޅުވެފައިވަނީ ރިޔާސީ އިންތިހާބް ބާޠިލް ކުރުމަށް ރައީސް އަބްދުﷲ ޔާމީން ހުށަހެޅުއްވި މައްސަލަ ކޯޓުން ޔާމީން އާއި ދެކޮޅަށް ނިންމުމާއި ގުޅިގެން ކުރެއްވި ޓްވީޓެއްގައެވެ.
Alhamdhu Lillahi Sukuru Miadhu Fisaari saabithu kamaaeku SC ge Fandiyaarun Saabithu thiya kohdhehvee Adhulu insaafu dhiridhemioiy kan . Adhi Aaniyaa verikan e ee Hahqu noonkan . Makaraa heelathakee insaafu noon kan . Nasru libeynee Hahqu gothugai thibibayakah kan . In Shaa Allah
— Qasim Ibrahim (@qasimibrahim) October 21, 2018
ގާސިމް ވިދާޅުވީ އަނިޔާވެރިކަން އެއީ ހައްގު ނޫންކަމަށާއި، ނަސްރުލިބޭނީ ހައްގުގެ ގޮތުގައި ތިބެގެން ކަމަށެވެ.
ރިޔާސީ އިންތިހާބު އޮޅުވާލިކަމަށް ބުނެ ރައިސް އަބްދުﷲ ޔާމީން ކޯޓަށް ހުށަހެެޅުއްވި މައްސަލަ ކޯޓުން ނިންމާފައިވަނީ އިންތިހާބު ބާޠިލް ކުރަން ޖެހޭ ސަބަބެއް ނެތް ކަމަށް ބުނެއެވެ. އެއާއި އެކު އެތައް ހާސް ދިވެހި ރައްޔިތުން ދަނީ މަގުތަކަށް ނިކުމެ އުފާފާޅު ކުރަމުންނެވެ.