ކުރީގެ ރައީސް މުހައްމަދު ނަޝީދު މިނިވަންކުރުމަށް ގޮވާލައި، ރައްޔިތުންގެ މަޖިލީހަށް ޤަރާރެއް ހުށަހަޅައިފި އެވެ.
މިކަން ހާމަކުރައްވައި ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެމްބަރު އީވާ އަބްދުﷲ ކުރެއްވި ޓްވީޓެއްގައި ވިދާޅުވެފައި ވަނީ އދ. ގެ ވޯކިންގް ގްރޫޕް އޮން އާބިޓްރަރީ ޑިޓެންޝަން (ޔޫއެންޑަބްލިއުޖީއޭޑީ) އާއި އދ. ގެ އިންސާނީ ޙައްޤުތަކާއި ބެހޭ ކޮމިޓީ އިން ނިންމާފައިވާ ނިންމުންތައް ތަންފީޒުކޮށް، ރައީސް މުހައްމަދު ނަޝީދު މިނިވަންކުރުމަށް ގޮވާލައި މަޖިލީހަށް ޤަރާރެއް ހުށަހަޅާފައިވާ ކަމަށެވެ.
Submitted resolution to Parliament, calling for the implementation of the UNWGAD and UN Human Rights Committee decisions calling for the release of President @MohamedNasheed. Submitted with cross- party support, with 49 signatures. pic.twitter.com/mTIErm8mGb
— Eva Abdulla 🎈❓ (@evattey) October 24, 2018
އަދި އެ ޤަރާރުގައި ޖުމްލަ 49 މެމްބަރަކު ސޮއިކޮށްފައިވާ ކަމަށްވެސް އީވާ ވިދާޅުވި އެވެ. އީވާ ވަނީ އެ ޤަރާރުގެ ފޮޓޯތައް ވެސް އެ ޓްވީޓްގައި އެޓޭޗްކުރައްވާފައެވެ.
ކްރިމިނަލް ކޯޓުގެ އިސް ގާޒީގެ މަޤާމުގައި ކުރިން ހުންނެވި ފަނޑިޔާރު އަބްދުﷲ މުހައްމަދު ހައްޔަރުކޮށް އެކަހެރި ކުރި މައްސަލާގައި ރައީސް ނަޝީދުގެ މައްޗަށް ޓެރަރިޒަމްގެ ދައުވާ ސާބިތުވެ 13 އަހަރު ދުވަހުގެ ޖަލު ހުކުމެއް އިއްވާފައިވަނިކޮށް، ބޭސްފަރުވާއަކަށް ރާއްޖެއިން ބޭރަށް ވަޑައިގަތުމަށް ފަހު އިނގިރޭސި ވިލާތުން ސިޔާސީ ހިމާޔަތް ހޯއްދަވައިގެން ރާއްޖެ ވަޑައިގެންފައެއް ނުވެއެވެ.
އެހެންނަމަވެސް އަންނަ ނޮވެމްބަރު މަހުގެ އެއްވަނަ ދުވަހު އެނބުރި ޤައުމަށް ވަޑައިގަންނަވާނެ ކަމަށް ނަޝީދު ވަނީ ދާދި ފަހުން ވިދާޅުވެފަ އެވެ.
ރައީސް ނަޝީދު އެނބުރި ރާއްޖެ ވަޑައިގަންނަވާނީ މިނިވަނެއްގެ ގޮތުގައި ކަމަށާއި، އެދުވަސް ފާހަގަ ކުރާނީ ބޮޑު އީދެއްގެ ގޮތުގައި، ވަރަށް ކުލަގަދަކޮށް ކަމަށް އެމްޑީޕީ އިން ވަނީ ބުނެފައެވެ.
– ތަފްސީލް އަންނަނީ –