މަޖްލިސްގެ ރައީސް އިސްތިއުފާ އެސްއެމްއެސްއަކުން ނުދެއްވާނެކަމަށް ޕީޕީއެމްގެ ޕީޖީ ލީޑަރ އަހުމަދު ނިހާން ހަސަން މަނިކު ވިދާޅުވެއްޖެއެވެ.
Majlis Raees Maseeh Isthiufaa dhevaa nama ekan SMS akun Media ah naangavaane. QA ge 82 vana maadhaaga Noonu ga vaa gothun efadha sitee havaalu kurahvaanee Majlis ge Naibu Raees aa. pic.twitter.com/tyY7MR70N2
— Ahmed Nihan (@ahmed_nihan) October 23, 2018
މަސީހުގެ އިތުބާރު ނެތްކަމުގެ މައްސަލަ ޕީޕީއެމްގެ މެމްބަރުންނާއި އެކު ޖުމްލަ 51 މެމްބަރުންނާއި އެކު މިއަދު މަޖްލިސްއަށް ހުށަހަޅުއްވާނެކަމަށް އިދިކޮޅު މެމްބަރުން ވަނީ ބުނެފައެވެ. އަދި ރީތި ގޮތަކީ މަގާމުން އިސްތިއުފާ ދެއްވުންކަމަށްވެސް އިދިކޮޅު މެމްބަރުން ވަނީ ބުނެފައެވެ.
އެވާހަކަތަކަށްފަހު ރޭ މަސީހު އިސްތިއުފާ ދެއްވަން އުޅުއްވާކަމުގެ އަޑުތަކެއް ފެތުރުނެެވެ. މަސީހުގެ ފޯނު ނަންބަރުން ފޮނުވާފައިވާކަމަށް ބުނާ މެސެޖުގައި ބުނެފައިވަނީ"މެޖޯރިޓީ އެމްޕީއިން އަޅުގަނޑުގެ އިތުބާރު ނެތްކަމަށް ސޮއިކޮށް އެކަން ކަށަވަރުކޮށްދެއްވާފައި ވާތީ، ގާނޫނު އަސާސީގެ 82 ވަނަ މާއްދާގެ ނ ގައިވާ ގޮތަށް މަޖިލިސްގެ ރައީސްކަމުން އިސްތިއުފާ ދޭން ނިންމައިފިން،" އެވެ. މި މެސެޖަކީ ސައްހަ މެސެޖެއްކަން މަސީހު ފޯނު ނުނަންގަވާތީ ސާފެއް ނުވެއެވެ.
މަސީހުގެ އިސްތިއުފާއަށް އިޝާރާތް ކުރައްވައި ނިހާން ވިދާޅުވީ "މަޖިލީހުގެ ރައީސް އިސްތިއުފާ ދެއްވާނަމަށް ގާނޫނު އަސާސީގެ 82 ވަނަ މާއްދާގެ (ނ) ގެދަށުން އެފަދަ ސިޓީއެއް ހުށަހަޅުއްވާނީ މަޖިލީހުގެ ނައިބު ރައީސްއަށް" ހުށަހަޅުއްވާނެކަމަށެވެ. އަދި އިސްތިއުފާ ދެއްވާނަމަ އެސްއެމްއެސް އަކުން މީޑިއާއަށް ނާންގަވާނެކަމަށެވެ.
މަސީހުގެ އިތުބާރު ނެތްކަމުގެ މައްސަލަ މީގެ ކުރިން ދެ ފަހަރެއްގެ މަތިން ވަނީ ހުށަހަޅާފައެވެ. އެގޮތުން މިދިޔަ އަހަރުގެ ޖޫން މަހުވަނީ 45 މެމްބަރުންގެ ސޮޔާއި އެކު މަޖްލިސްއަށް ހުށަހަޅާފައެވެ.