ޖަލު ހުކުމެއް ތަންފީޒު ކުރައްވަމުން ގެންދަވަނިކޮށް ބޭސްފަރުވާއަށް 2016 ވަނަ އަހަރު ރާއްޖެއިން ބޭރަށް ވަޑައިގެންނެވި ފަހުން އިނގިރޭސި ވިލާތުން ސިޔާސީ ހިމާޔަތް ހޯއްދަވައިގެން ހުންނެވި ކުރީގެ ރައީސް މުހައްމަދު ނަޝީދު މިނިވަން ކުރުމަށް ރައްޔިތުންގެ މަޖިލީހަށް މިއަދު ހުށައެޅުއްވި ގަރާރާއެކު އެމަނިކުފާނުގެ ޝުކުރު މެމްބަރުންނަށް ރައްދު ކުރައްވައިފިއެވެ.
Alhugandu minivan kohdhevvumah edhi Rayyithunge Majlis ah qaraar hushalhuvaidhevvi izzaitheri enmehaa memberunnah, alhuganduge hithuge khaalis kamaaieku ikhlaastheri shukuru dhannavan
— Mohamed Nasheed (@MohamedNasheed) October 24, 2018
ރައީސް ނަޝީދު މިނިވަން ކުރުމަށް މިއަދު ހުށައެޅި ގަރާރުގައި ރައްޔިތުންގެ މަޖިލީހުގެ 49 މެމްބަރަކު ސޮއިކުރައްވާފައި ވެއެވެ. ނަޝީދު މިނިވަން ކުރުމަށް ރައްޔިތުންގެ މަޖިލީހަށް ގަރާރެއް ހުށައަޅާފައި މިވަނީ އެމަނިކުފާނު މިނިވަން ކުރުމަށް އދ. ދެ ކޮމިޓީއަކުން އެމަނިކުފާނު މިނިވަން ކުރުމަށް އަންގާފައިވުމާ ގުޅިގެންނެވެ.
މީގެ އިތުރުން ސުޕްރީމް ކޯޓުން ފެބްރުއަރީ އެއްވަނަ ދުވަހު ނެރުނު އަމުރުގައި މިނިވަން ކުރުމަށް އެންގި ލީޑަރުންގެ ތެރޭގައި ވެސް ނަޝީދު ހިމެނެއެވެ.
ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު 2011 ވަނަ އަހަރު އެކަހެރިކޮށް ބަންދުކުރުމުގެ ކުށުގައި ނަޝީދު ޖަލަށް ލުމަށް ހުކުމް ކޮށްފައިވަނީ ޓެރަރިޒަމްގެ ދައުވާ އުފުލައި، 13 އަހަރަށެވެ.