ރައީސް ޔާމީންގެ ވެރިކަން ބަދަލުކޮށް އިންސާފު ހޯދަން ނިކުތް ރައްޔިތުން މަގުމަތި ނުވާނެ ފޯމިއުލާއެއް ގުޅިފައިވާ ކޯލިޝަނުން ހޯދައިދޭން ޖެހޭކަމަށް ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފު ވިދާޅުވެއްޖެއެވެ.
މަހްލޫފު މިއަދު ކުރެއްވި ޓްވީޓެއްގައި ވިދާޅުވީ ޔާމީންގެ ވެރިކަން ނިންމަން ޕާޓީތަކުން ވަނީ އެއްބަސްވެފައި ކަމަށާއި، އެއަށް އިހްތިރާމް ކުރުމަކީ ކޯލިޝަން ބަދަހިކޮށް ކުރިއަށް އޮތް 5 އަހަރަށް ގެންދަން މުހިއްމު ކަމެއް ކަމަށެވެ.
YAG ge aniyaaverikan ninman party thakun vanee ehbasvunthakeh vefa.Eyah ikhthiraam kurumakee badhahikoh mi 5 aharu kuriah gendhiumah muhimmu kameh.
Insaaf hoadhan ethah aharuthakeh masahkaiy kuri rayyithun alun magumathi nuvaane hurihaa formula eh coalition thereyn hoadhanjehey.— Ahmed Mahloof (@AhmedMahloof) October 25, 2018
މަހްލޫފު ވިދާޅުވީ އިންސާފު ހޯދަން އެތައް އަހަރުތަކެއް މަސައްކަތް ކުރި ރައްޔިތުން އަލުން މަގުމަތި ނުވާނެ ހުރިހާ ފޯމިއުލާއެއްް ކޯލިޝަން ތެރެއިން ހޯދަން ޖެހޭކަމަށެވެ.
ރައީސް ޔާމީންގެ ވެރިކަން ބޮޑުތަނުން ބަލިކުރީ ރާއްޖޭގައި އަދުލު އިންސާފު ނެތްކަމަށް ގަބޫލް ކުރެވި އެތައް ހާސް ބަޔަކު މަގުތަކަށް ނިކުމެ އެތައް ދުވަސްތަކެއް ވަން ދެން އަޑުއުފުލުމަށްފަހުއެވެ.
މަހްލޫފުގެ މިޓްވީޓާއި ގުޅިގެން ބައެއް ފަރާތްތަކުން ވަނީ ކޯލިޝަންގެ ތެރޭގައި ބައިބައިވުން އުފެދިފައިވާކަމަށް ބުނެފައެވެ. އަނެއް ބަޔަކު ވަނީ ޔާމީން ސަރުކާރުން ހިންގި ޖަރީމާތައް ތަހްގީގު ނުކޮށްފިނަމަ އަނެއްކާވެސް މަގުތަކަށް ނިކުންނާނެކަމަށް ބުނެފައެވެ.