އިއްޔެ ވެރިކަންކުރާ ފަޅީގައި ހުރެފައި މިއަދު ކޮޅު ބަދަލުކުރުމަކީ ވަރަށް ހަޑި ކަމެއް ކަމަށް ރާއްޖޭގެ މަޝްހޫރު ދީނީ އިލްމުވެރިއެއް ކަމަށްވާ ޑރ. މުހައްމަދު އިޔާޒް ވިދާޅުވެއްޖެއެވެ.
ވެރިކަން ބަދަލުވާ ދުވަސް ގާތްވުމާއި ގުޅިގެން ސަރުކާރު ހިންގާ ޕާޓީގެ ބައެއް ފަރާތްތަކުގެ ރާގު ބަދަލުވަމުން އަންނަ މި ދަނޑިވަޅުގައި ޑރ. އިޔާޒް ކުރެއްވި ޓްވީޓްގައި ވަނީ ކުރިން ހުރި ފަޅިއަކީ ހައްގު ފަޅި ކަމަށްވާ ނަމަ މިއަދު ވެސް އެގޮތުގައި ސާބިތުވެ ހުންނެވުމަށް ވިދާޅުވެފައެވެ.
Abadhuves ikhthiyaaru kuran vaany haggu mageve. Faharu gai aee dhuniyavee gothun balikashi goiy kamah ves vedhaane eve. Iyye verikan kuraa falhi gai hurefai miadhu kolhu badhalu kurumaky v hadi kamekeve. Aee haggu falhi nama miadhuves egothugai saabithve hunnaasheve.
— Dr.Mohamed Iyaz (@dr_iyaz) October 28, 2018
ޑރ. އިޔާޒް އަކީ ރާއްޖޭގެ އިޖްތިމާއީ، ސިޔާސީ، އަދި ދީނީ މިފަދަ އެތައް ކަންތަކަކަށް އަލިއަޅުއްވާ ލައްވާ އެކަމަކާމެދު އެ ބޭފުޅާ ދެކެވަޑައިގަންނަވާ އަދި ކަންއޮންނަންޖެހޭ ގޮތް އަބަދުވެސް ހާމަކުރައްވަމުން ރައްޔިތުންނަށް ނަސޭޙަތްތެރިވަމުން ގެންދަވާ ބޭފުޅެކެވެ.
ޑރ. އިޔާޒްގެ ޓްވީޓްގައި ވަނީ އަބަދުވެސް އިޚްތިޔާރު ކުރަންވާނީ ހައްގުމަގު ކަމުގައި ވިދާޅުވެފައެވެ. ފަހަރުގައި އެއީ ދުނިޔަވީ ގޮތުން ބަލިކަށިގޮތް ކަމަށް ވެދާނެ ކަމަށް ވެސް އޭނާ ވަނީ ވިދާޅުވެފައެވެ.