މުސްތަޤްބަލުގައި ވެސް ދެމިހުންނަވާނީ ރައްޔިތުންގެ ޙައްޤުގައި ކަމަށާއި، މަސައްކަތް ކުރައްވާނީ އިންތިޚާބީ ރައީސް، އިބްރާހިމް މުހައްމަދު ސޯލިހު (އިބޫ) އާއި އިދިކޮޅު ހަތަރު ލީޑަރުންނާއި އެކު ކަމަށް ރައްޔިތުންގެ މަޖިލީހުގެ ވިލިނގިލި ދާއިރާގެ މެމްބަރު ސައުދު ހުސެއިން ވިދާޅުވެއްޖެ އެވެ.
ސައުދު މިހެން ވިދާޅުވީ މިއަދު ކުރެއްވި ޓްވީޓެއްގަ އެވެ.
Alhamdhulillah, 15mas dhuvas vandhen Villingili dhairāge rayyithunge haguthah mahurōm kurumah fahu miadh alun mivany dhairāge rayyithunah Majlis therein e haggu libifaeve. lobuvethi rayyithunah shukuru verivan. Dhemi hunāny rayyithunge hagguga! Raees @ibusolih ai 4 leaderunai eku pic.twitter.com/4coWjiMBsf
— Saud Hussain MP (@SaudVillingili) October 28, 2018
އެ ޓްވީޓްގައި ސައުދު ވިދަޅުވެފައި ވަނީ 15 މަސް ދުވަސް ވަންދެން ވިލިނގިލި ދާއިރާގެ ރައްޔިތުންގެ ޙައްޤުތަކުން މަޙްރޫމް ކުރުމަށްފަހު، މިއަދު މިވަނީ ރައްޔިތުންގެ މަޖިލީހުގެ ތެރެއިން އެ ޙައްޤުތައް އަނބުރާ ލިބިފައި ކަމަށެވެ.
"ލޮބުވެތި ރައްޔިތުންނަށް ޝުކުރުވެރިވަން. ދެމިހުންނާނީ ރައްޔިތުންގެ ޙައްޤުގައި! ރައީސް އިބްރާހިމް މުހައްމަދު ސޯލިހު އާއި 4 ލީޑަރުންނާއި އެކު"، ސައުދުގެ ޓްވީޓްގައި ވިދާޅުވެފައި ވެއެވެ.
ސައުދު މިހެން ވިދާޅުވެފައިވާއިރު، ސައުދު ޕީޕީއެމް އިން ވަކިކޮށްފައިވާ ކަމަށް އެންގުމުން އީސީން ގޮނޑި ގެއްލިފައިވާ ކަމަށް ނިންމި ނިންމުން ސުޕްރީމް ކޯޓުން ބާތިލްކޮށްފައި ވަނީ މި މަހުގެ 8 ވަނަ ދުވަހު އެވެ. ސައުދު ޕީޕީއެމް އިން ވަކިކޮށްފައި ވަނީ މިދިޔަ އަހަރުގެ ޖުލައި މަހުގެ ތެރޭގައެވެ.