ރައީސް ޔާމީންގެ ދައުރު ނިމުމުގެ ކުރިން މާލީ ބަޔާން ހުށަހެޅުމަށް އޮޑިޓާ ޖެނެރަލް ފުރުސަތު ދެއްވާފައިވާ ކަމަށް ރައީސް އޮފީހުން ބުނެފިއެވެ.
ރައީސް އޮފީހުގެ ތަރުޖަމާން އިބްރާހިމް މުއާޒު މިއަދު ކުރެއްވި ޓްވީޓެއްގައި ވިދާޅުވީ ހިމަނައިގެން ރައީސްގެ މާލީ ބަޔާން ހުށަހެޅުއްވުމުގެ ފުރުސަތު ދެއްވައި، އޮޑިޓާ ޖެނެރަލް މީގެ ދެތިން ދުވަސް ކުރިން ރައީސް އޮފީހަށް ސިޓީއެއް ފޮނުއްވާފައިވާ ކަމަށެވެ. އަދި މާލީ ބަޔާނާ ގުޅޭ އެންމެހައި މަޝްވަރާތައް އޮޮޑިޓާ ޖެނެރަލްގެ ލަފަޔާ އެއްކޮށް ކުރެވިފައިވާ ކަމަށެވެ.
"Riyaasee fahu aharu himanaigen, dhauru husvumuge kurin Maalee Bayaan hushahalhan furusathu dhevvaafaivaa sitee eh, meege dhethin dhuvas kurin Raeesuljumhooriyyaa ge ofeehah Auditor General vany fonuvvaafa. Maalee bayaan gawaaidhun hushanaalhuvaa Raeesun thibbevi kamaai adhi
1/2— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) October 31, 2018
މުއާޒު މިފަދަ ޓްވީޓެއް ކުރައްވާފައި ވަނީ ރައީސް ޔާމީންގެ މާލީ ބަޔާން އޮޑިޓާ ޖެނެރަލް އޮފީހަށް ހުށަހަޅާފައި ނުވާތީ އެކަން ބެލުމަށް އެންޓި ކަރަޕްޝަން ކަމިޝަނުން ރައްޔިތުންގެ މަޖިލީހުގެ މާލިއްޔަތު ކޮމެޓީއަށް ވަނީ ލަފާ ދީފައި ވަނިކޮށެވެ.
އޭސީސީން ރައްޔިތުންގެ މަޖިލީހުގެ މާލިއްޔަތު ކޮމެޓީއަށް ފޮނުއްވި ސިޓީގައި ބުނެފައިވަނީ ރައީސް އަބްދުﷲ ޔާމީންގެ މާލީ ބަޔާން އޮޑިޓާ ޖެނެރަލް އޮފީހަށް ހުށަނާޅުއްވަނީ އެމަނިކުފާންގެ ނުފޫޒު ބޭނުންކުރައްވައިގެން ކަމަށް ބުނެ އަމިއްލަ ފަރާތަކުން އޭސީސީއަށް ހުށަހެޅި މައްސަލައެއް ބަލާފައިވާ ކަމަށެވެ. އަދި އެ އޮފީހަށް އެމައްސަލަ ނުބެލުމަކީ ކަރަޕްޝަނަށް މަގުފަހިވާ ގޮތަށް ކޮށްފައިވާ ކަމެއް ކަމަށް ބެލެވެން ނެތްކަމަށެވެ. އެހެންވެ އެކަން މަޖްލިސްގެ މާލިއްޔަތު ކޮމެޓީން ބަލައި ފިޔަވަޅު އެޅޭނެކަމަށް ގަބޫލް ކުރައްވާ ކަމަށެވެ.
.. evves fiyavalheh alhaafai nuvaakan mi furusathu gai faahaga kuran. Raees ge maalee bayaanaa gulhey emmehai mashvaraa thah Auditor General ge lafaafulhaa ekkoh vany kurevifai" -im
2/2— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) October 31, 2018
މި މައްސަލަ އާއި ގުޅިގެން މުއާޒު ވިދާޅުވީ މާލީ ބަޔާން ހުށަހަޅުއްވާފައި ނެތް ރައީސުން ވެސް އެބަ ތިއްބެވި ކަމަށާއި އެކަމާ މެދު އެއްވެސް ފިޔަވަޅެއް އަޅާފައި ނުވާކަން ފާހަގަކުރާ ކަމަށެވެ.