ފުވައްމުލަކުގައި ރޭ ޒުވާނެއްގެ ބޮލަށް ވަޅި ޖެހި މައްސަލައިގެ ތުހުމަތުގައި 2 މީހަކު ހައްޔަރުކޮށްފިއެވެ.
ރޭ 8:45 ހާއިރު ފުވައްމުލަކު އަލްޓްރާ އަހުމަދު އިނާނު އިބްރާހިމް ގޭގެ ކޮޓަރި ތެރޭގައި އިތުރު ކުދިން ތަކަކާއި އެކު ލެޕްޓޮޕާއި ކުޅެން ތިއްބާ ވަޅި ޖަހާފައިވަނީ މޫނު ނިވާކޮށްގެން ތިބި ދެ މީހެކެވެ.
ފުލުހުން ބުނީ މި ހާދިސާ އާއި ގުޅިގެން 15 އަހަރުގެ ކުއްޖަކާއި 21 އަހަރުގެ މީހަކު ހައްޔަރުކޮށްފައިވާ ކަމަށެވެ.
މި ހާދިސާގައި އިނާނުގެ ބޮލުގެ ފަސް ތަނަކަށް ތޫނު އެއްޗަކުން ހަމަލާދީފައިވާ އިރު އޭނާއަށް ފަރުވާ ދެމުން ދަނީ ވެންޓިލޭޓަރގެ އެހީގައެވެ. އިނާނުއަށް ލިބިފައިވާ ސީރިއަސް އަނިޔާތަކަށް ފަރުވާ ދިނުމަށް މިއަދު ހެނދުނު މާލެ ގެންދިއުމަށް ވަނީ ހަމަޖެހިފައެވެ.