ޕްރައިމަރީ އެއްގައި ވާދަކުރައްވަން ބިރުން ނޫޅުއްވާ ކަމަށާއި 2009 ވަނަ އަހަރުން ފެށިގެން އެންމެ ގިނަ މަޖިލިސް އިންތިޚާބު ގައި ވާދަކުރި ފަރާތަކީ އޭނާ ކަމަށް ތިމަރަފުށި ދާއިރާގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވީ އިއްޔެ ކުރެއްވި ޓުވީޓަކާ ގުޅިގެން އާންމުންގެ ފާޑުކިޔުންތައް އަމާޒުވުމާއި ގުޅިގެންނެވެ. 12 މެމްބަރުންނަށް ޕްރައިމަރީއާ ނުލާ ޓިކެޓު ރައީސް ނަޝީދު ކަށަވަރުކޮށްދެއްވައިފި ކަމަށާއި 12 މެމްބަރުންނަށް ދާއިރާ ލިބެން ޖެހޭ ކަމަށް ވިދާޅުވެ އޭނާ ކުރެއްވި ޓުވީޓަށް ވަނީ ފާޑުކިޔުންތައް ރައްދުވެފައެވެ.
Miadhu RN aai 12MPs Bahdhalu kurumun vidhaalhuvi 12MPs ge gondi kashavarukoh devvaane kamah..! 12,MPs ge dhaairaa thah e 12 MPs nah libenjeheyne, dhigu koh bunchas kurukoh bunyes Vaahaka akee eii.
— Mohamed Musthafa (@Thimarafushi) November 5, 2018
ޖަވާބުގައި މުސްތަފާ ފަހުން ކުރެއްވި ޓުވީޓުގައި ވިދާޅުވީ އެމަނިކުފާނަކީ ޕްރައިމަރީއަކަށް ބިރުން އުޅޭ މީހެން ނޫން ކަމަށެވެ. އަދި މަޖިލިސް ޕްރައިމަރީ ގައި ވާދަވެސް ކުރައްވާނެ ކަމަށާއި ކުރައްވާނީ އެމްޑީޕީން ކަމަށް އޭނާ ވިދާޅުވިއެވެ.
Habarudhaaru! Dhogu nahahdhavaa! Thimarafushi Musthafa akee Primary akah biru gannaane meeheh noon! Alhugandakee 2009 eh ge fahun emme gina inn Majlis Inthihaabugai vaadha koffa huri faraaiy! Adhi komme dhaurehga gondi gelley ves faraaiy. Rayyithunge votah abadhuves maruhabaa!
— Mohamed Musthafa (@Thimarafushi) November 5, 2018
Nikunnaanee MDP in, Ufanvee ves MDP ah. ⚖️
— Mohamed Musthafa (@Thimarafushi) November 5, 2018
އެންމެ ފަހުން ބޭއްވި މަޖިލިސް އިންތިޚާބުގައިވެސް މުސްތަފާ ވާދަކުރެއްވީ އެމްޑީޕީ ޓިކެޓުގައެވެ. ނަމަވެސް އިންތިޚާބު ކާމިޔާބު ކުރެއްވުމަށް ފަހު މަޖިލިސް ނުހުޅެވެނީސް މުސްތަފާ ވަނީ އެމްޑީޕީ ދޫކުރައްވައި ޕީޕީއެމާ ގުޅިވަޑައިގެންފައެވެ.
ރައީސް ޔާމީންގެ ސިޔާސަތުތަކަށް ފާޑުވިދާޅުވެ ރައީސް ޔާމީންގެ ފަޅި ދޫކޮށްލެއްވި އެންމެ ފުރަތަމަ މަޖިލިސް މެމްބަރަކީ ވެސް މުސްތަފާއެވެ. އޭނާ ވަނީ ފަހުން، ރައީސް މައުމޫންގެ ފަޅިއަށް ބަދަލުވެފައެވެ.