ރައީސް ޔާމީންގެ ސަރުކާރުގެ ކުރީގެ ޑިފެންސް މިނިސްޓަރު، އަދި ކުރިން ޕީޕީއެމްގައި ހުންނެވި ކާނަލް (ރިޓަޔާޑް) މުހައްމަދު ނާޒިމް، ޖުމްހޫރީ ޕާޓީ (ޖޭޕީ) އާއި ގުޅިވަޑައިގެންފި އެވެ.
މިއަދު ކުނޫޒުގައި ބޭއްވި ޚާއްސަ ރަސްމިއްޔާތެއްގައި ނާޒިމް ޖުމްހޫރީ ޕާޓީއަށް ގުޅުމަށް އެދޭ ފޯމާ ހަވާލުވެވަޑައިގެންނެވީ އެ ޕާޓީގެ ލީޑަރު ޤާސިމް އިބްރާހިމެވެ. އެ ރަސްމިއްޔާތުގައި ޕާޓީގެ އިސް ބޭފުޅުން ބައިވެރިވެވަޑައިގެންނެވި އެވެ.
މީގެ އިތުރުން ޖޭޕީގެ ލީޑަރުގެ އެޑްވައިޒަރުގެ މަޤާމަށް ވެސް ނާޒިމް ވަނީ މިއަދު ހަމަޖައްސާފައެވެ.
Jumhooree party ge leader ge advisor kamah colonel Mohamed Nazim hamajahsavaifi. @qasimibrahim @ali20waheed @riyazabdulla @DrHussainHassan @nazim7878 @adamazim pic.twitter.com/J48m6BLMuO
— JP Secretariat (@JPSecretariat) November 12, 2018
ބޭސްފަރުވާއަށް މެލޭޝިއާގައި ހުންނެވުމަށްފަހު ރޭގެ ވަގުތެއްގައި ރާއްޖެ ވަޑައިގަތުމަށްފަހު ނޫސްވެރިންނާއި ބައްދަލުކުރައްވައި ދެއްކެވި ވާހަކަފުޅުގައި ނާޒިމް ވަނީ ޖޭޕީ އާއި ގުޅިވަޑައިގަންނަވާކަން އިއުލާން ކުރައްވާފަ އެވެ.
ރިޔާސީ އިންތިހާބަށްފަހު ނާޒިމް ބޭސްފަރުވާއަށް ނާޒިމް މެލޭޝިއާއަށް ވަޑައިގެންނެވިިއިރު އެތަނުގައި ހުންނަވަނިކޮށް ސުޕްރީމް ކޯޓުން ވަނީ ނާޒިމްގެ މައްޗަށް އިއްވާފައިވާާ ޖަލު ހުކުމް ތަންފީޒުކުރުން ފަސްކުރަން އަމުރުކޮށްފަ އެވެ.