އައްޑޫ ސިޓީގެ ފުރަތަމަ ކައުންސިލް އިންތިޚާބުގައި މީދޫ ގޮނޑި ކާމިޔާބުކުރެއްވި ހަސަން ޝާހިދު އަންނަ އަހަރު ބޭއްވޭ ރައްޔިތުންގެ މަޖިލިސް އިންތިޚާބުގައި މީދޫ ދާއިރާގެ އެމްޑީޕީ ޕްރައިމަރީގައި ވާދަކުރެއްވުމަށް ނިންމަވައިފިއެވެ.
ޑެޕިއުޓީ މޭޔަރަށް ހުންނެވި ޝާހިދު ރޭ ކުރެއްވި ޓުވީޓެއްގައި ޕްރައިމަރީގައި ވާދަކުރެއްވުމަށް ނިންމަވާފައިވާ ކަން އިއުލާން ކޮށްފައިވާއިރު މީދޫ އާއި މަރަދޫފޭދޫ އެއް ދާއިރާއަކަށް ހަދައި، އެ ދާއިރާ ހިނގަމުންދާ މަޖިލީހުގައި ތަމްސީލު ކުރައްވަނީ ރޮޒެއިނާ އާދަމްއެވެ.
Addu Meedhoo dhaairaage MDP Majlis Primary ga vaadhakuran ninmaifin. Alhugandu edhenee MDP memberun ge furihama ithubaarai thaaeedhu mi primary ga alhugandah dhehvun. Alhugandu edhenee Meedhoo dhaairaa thamseelu kuran MDP ge membaraku hurun. #JazeeraRaajje #MDPKKBK
— Hassan Shahid (@AdduUnited) November 12, 2018
ރަސްމީކޮށް ރޮޒޭ އަދި އިންތިޚާބަށް ނިކުންނާނެ ކަން ހާމަ ކޮށްފައިނުވި ނަމަވެސް ކުރިއަށް އޮތް މަޖިލިސް ޕްރައިމަރީގައި ހަމަ އެދާއިރާގައި އެމްޑީޕީ އިން ވާދަކުރައްވާނެ ކަމަށް ބެލެވެއެވެ.
ޝާހިދު ޕްރައިމަރީގައި ވާދަ ކުރައްވަން ގަސްދުކުރުމާއެކު ރޮޒެއިނާ ވަނީ ޝާހިދަށް މަރުހަބާ ދަންނަވާފައެވެ.
ފުރަތަމަ ދައުރު ހަމަވުމަށް ފަހު ޝާހިދު ސިޔާސީ ދާއިރާއާ ދުރަށް ޖެހިވަޑައިގެންފައިވާއިރު އޭނާ ވަނީ މީދޫ ދަނޑުވެރިންގެ ޖަމިއްޔާއެއް އުފައްދަވައި އެ ޖަމިއްޔާގެ އިސް ބޭފުޅެއްގެ މަގާމު އަދާކުރައްވަމުންނެވެ.