ރައީސުލް ޖުމުހޫރިއްޔާގެ މަގާމާއި އިންތިޚާބީ ރައީސް އިބްރާހިމް މުހައްމަދު ސޯލިހް މާދަމާ ހަވާލުވާއިރު، އެމަނިކުފާނުގެ ހުވާކުރުމުގެ ރަސްމިއްޔާތުގައި ބައިވެރިވެވަޑައިގަތުމަށް ސްރީ ލަންކާގެ ކުރީގެ ރައީސާ، ޗަންދްރިކާ ބަންޑާރަނަޔަކެ ކުމަރަތުންގަ ރާއްޖެ ވަޑައިގެންފިއެވެ.
ޗަންދްރިކާ މިއަދު ރާއްޖެ ވަޑައިގެންފައިވާއިރު އެކަމަނާ އަށް މަރުހަބާ ދެންނެވުމަށް ވަޑައިގެންނެވީ ކުރީގެ ރައީސް މުހައްމަދު ނަޝީދުއެވެ.
އިބޫގެ ހުވާކުރުމުގެ ރަސްމިއްޔާތުގައި ބައިވެރިވުމަށް އިންޑިޔާގެ ބޮޑުވަޒީރު ނަރެންދްރަ މޯދީވެސް ރާއްޖެ ވަޑައިގަތުމަށް ހަމަޖެހިފައިވާއިރު 12،000 މީހުންނަށް ރަސްމިއްޔާތުގައި ބައިވެރިވުމަށް ދައުވަތު އަރުވާފައިވެއެވެ.