އަބަދުވެސް ސާބިތުވެ ހުންނަވާނީ ކުރީގެ ރައީސް މައުމޫން އަބްދުލް ޤައްޔޫމް އާއެކު ކަމަށް ރައްޔިތުންގެ މަޖިލީހުގެ ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ވިދާޅުވުމާއި ގުޅިގެން، މައުމޫން ސައުދުﷲ އަށް ޝުކުރު ދަންނަވައިފި އެވެ.
މައުމޫން، ސައުދުﷲ އަށް ޝުކުރު ދަންނަވާފައި ވަނީ މިއަދު ކުރެއްވި ޓްވީޓެއްގަ އެވެ.
Fah fashun shukriyyaa Hon Saudulla Hilmy MP. Thiyaee vafaatheri kamuge laa maseel namoonaa eh. https://t.co/e9Fats9NAO
— Maumoon Abdul Gayoom (@maumoonagayoom) November 16, 2018
"ފަށްފަށުން ޝުކުރިއްޔާ އޮނަރަބަލް ސައުދުﷲ ހިލްމީ. ތިޔައީ ވަފާތެރިކަމުގެ ލާމަސީލު މިސާލެއް"، މައުމޫންގެ ޓްވީޓްގައި ވިދާޅުވެފައި ވެއެވެ.
މައުމޫން މިހެން ވިދާޅުވިއިރު، ސައުދުﷲ މިއަދު ކުރެއްވި ޓްވީޓެއްގައި ވިދާޅުވެފައި ވަނީ 2009 ވަނަ އަހަރުން ފެށިގެން ވެސް ހުރީ ރައީސް މައުމޫން އާއެކު ކަމަށާއި، "އެވަގުތަށް" ޕީޕީއެމް އިން ވަކިވިޔަސް، ދެންވެސް ޕާޓީ އަކަށް ސޮއިކުރައްވާނަމަ ކުރައްވާނީ ރައީސް މައުމޫން ހުންނަވާ ޕާޓީ އަކަށް ކަމަށެވެ.
"ސިޔާސީ ފިކުރު ބަދަލުކުރުމެއް ނެތް. މިމިހާ ނުވިކޭނެ/ނުގަނެވޭނެކަން ތަކުރާރުކޮށް ޔަޤީންކޮށްދެން. އިސްކުރާނީ ޤައުމާރި ރައްޔިތުން"، ސައުދުﷲ ވިދާޅުވި އެވެ.