ވަރަށް ގިނަ ބޭފުޅުން ރައީސް އިބޫގެ ކެބިނެޓަށް ވަޑައިނުގެންނެވީ ކީއްވެތޯ ސުވާލު ކުރައްވަމުން ގެންދާ ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.
ރޮޒޭ ވިދާޅުވީ ބޭނުންވަނީ ރައްޔިތުންގެ މަޖިލީހަށް ވާދަކޮށް މަޖިލިސް ތެރެއިން ޚިދުމަތް ކުރުމަށް ކަމަށް ކުރިންވެސް ރައީސްއަށް ދަންނަވާފައިވާނެ ކަމަށެވެ. އަދި ޑިމޮކްރަސީ ގައި މަޖިލީހުގެ އެއްބާރުލުން ނުހަނު މުހިންމު ކަމަށް ރޮޒޭ ކުރެއްވި ޓުވީޓުގައި ވިދާޅުވިއެވެ.
A lot of people questioned me tonight as to why I didn’t go to the cabinet. I have always made it clear to President @ibusolih that my interest is in contesting for the parliament. I believe our work for democracy cannot be completed without the support of the parliament.
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) November 18, 2018
ރޮޒެއިނާ ވަނީ 2009 ވަނަ އަހަރުގެ މަޖިލިސް އިންތިޚާބު ކ. ތުލުސްދޫ ދާއިރާއަށް ވާދަކުރައްވައިގެން ކާމިޔާބުކޮށްފައެވެ. އޭރު ޑީއާރުޕީގައި ރޮޒޭ ހުންނެވި ނަމަވެސް ފަހުން ޑީއާރުޕީ އުވުމާ ގާތް ވެފައިވަނިކޮށް އޭނާ ވަނީ އެމްޑީޕީއަށް ބަދަލުވެފައެވެ.
އަދި 2014 ވަނަ އަހަރު އައްޑޫ މީދޫ ދާއިރާއަށް އެމްޑީޕީގެ ޕްރައިމަރީގައި ވާދަކޮށް ޕްރައިމަރީ ކާމިޔާބުކޮށްގެން ރޮޒޭ ވަނީ އިންތިޚާބުގައި ވާދަކޮށް ގޮނޑި ކާމިޔާބުކޮށްފައެވެ.