ޕްރޮސެކިއުޓާ ޖެނެރަލްގެ މަގާމުން އައިޝަތު ބިޝާމް ވަކިކުރެވޭނެ ކަމަށާއި، އެކަމަނާގެ އިތުބާރު ނެތް ކަމުގެ މައްސަލަ އަލުން ހުށައަޅުއްވާނެ ކަމަށް މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދު ވިދާޅުވެއްޖެއެވެ.
މެމްބަރު އަބްދުﷲ ވަނީ މިދިޔަ ހޯމަ ދުވަހު ޕީޖީގެ އިތުބާރު ނެތް ކަމުގެ މައްސަލަ މަޖިލީހަށް ހުށައަޅުއްވައި، ހަމަ އެދުވަހު މައްސަލަ އަނބުރާ ނަންގަވާފައެވެ.
PG Bisham Ge Ithubaaru Neih Kamuge Masaalaigai Alhugandu Hushahelhi Kankamugai Himenifaivanee 5 Kameh. Namaves Ithurah Faahaga Kuranjehey Baeh Kanthah Thakeh Hurumaaieku Ekan Islaahukoffa Massala Majilihah Vahdhaanan. Adhi Nunimey. PG Bisham Beyru Kureveyne.
— Abdulla Ahmed (@AblhoMP) November 23, 2018
އަބުޅޯ ވިދާޅުވީ އެކަން އެގޮތަށް ކުރެއްވީ އިތުރު ކަންތައްތަކެއް ފާހަގަކުރެވިގެން ކަމަށެވެ. އަދި އެކަންތައް ހިމެނުމަށް ފަހު އަލުން މައްސަލަ ހުށައަޅުއްވާނެ ކަމަށް މެމްބަރު ވިދާޅުވިއެވެ.
އަބުޅޯ މިހެން ވިދާޅުވެފައިވަނީ ބިޝާމްގެ އިތުބާރު ނެތްކަމުގެ މައްސަލަ ހުށައެޅުމުން ސިޔާސީ ނުފޫޒާ ހެދި އެ މައްސަލަ އަނބުރާ ނަގާފައިވާ ކަމަށް ވާހަކަދެކެވެމުންދާ ދަނޑިވަޅެއްގައެވެ.