ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ކާށިދޫ ދާއިރާގެ އެމްޑީޕީ ޕްރައިމެރީގައި ވާދަކުރައްވަން ރައީސް އިބްރާހިމް މުހައްމަދު ސޯލިހުގެ ސްޕެޝަލް އެންވޯއީ އަކަށް އައްޔަންކުރެއްވި އަބްދުﷲ ޖާބިރު ވިދާޅުވެއްޖެ އެވެ.
ޖާބިރު އެކަން އިއުލާންކޮށްފައި ވަނީ އިއްޔެ ކުރެއްވި ޓްވީޓެއްގަ އެވެ.
Kuriah oiy 2019 Rayyithunge Majilis ga #KaashidhooDhaairaa #MDPPrimary ga vaadhakuran alhugandu nimmaifin. Mi anna hafthaa bandhugai Kaashidhoo Dhaairaage rah thakah ziyaaraiykoh Rayyithunnaa bahdhalkuran dhaanan, IA.
— Abdulla jabir (@chairmanjabir) November 23, 2018
އެ ޓްވީޓްގައި ޖާބިރު ވިދާޅުވެފައި ވަނީ ކުރިއަށް އޮތް 2019 ވަނަ އަހަރުގެ ރައްޔިތުންގެ މަޖިލީހުގައި ކާށިދޫ ދާއިރާގެ އެމްޑީޕީ ޕްރައިމެރީގައި ވާދަކުރަން ނިންމަވާފައިވާ ކަމަށެވެ.
"މި އަންނަ ހަފްތާ ބަންދުގައި ކާށިދޫ ދާއިރާގެ ރަށްތަކަށް ޒިޔާރަތްކޮށް ރައްޔިތުންނާއި ބައްދަލުކުރަން ދާނަން"، ޖާބިރު ވިދާޅުވެފައި ވެއެވެ.
ޖާބިރު އަކީ ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރުކަން މީގެ ކުރިންވެސް ކުރައްވާފައިވާ ބޭފުޅެކެވެ. އަދި ކާށިދޫ ދާއިރާ އަށް ވާދަކުރެއްވުމަށް ޖާބިރު ނިންމަވާފައިވާއިރު، އެ ދާއިރާގެ ގޮނޑި މިހާރުވެސް ވަނީ ހުސްވެފަ އެވެ. އެއީ ކާށިދޫ ދާއިރާގެ މެމްބަރު ކަމުގައި ހުންނެވި ފައިސަލް ނަސީމް، ނައިބު ރައީސް ކަމަށް އިންތިޚާބުވުމާއި ގުޅިގެންނެވެ.