ކުޑަކުދިންގެ ބަގީޗާ ހުޅުވާ ގަޑި އިތުރުކުރުމަށް ޑިފެންސް. މިނިސްޓަރ މާރިޔާ އަހުމަދު ދީދީއަށް ޓްވިޓާ މެދުވެރިކޮށް އަމިއްލަ ފަރާތަކުން އެދުނު އެދުން ގަބޫލްކޮށް ކުޑަކުދިންގެ ބަގީޗާ ހުޅުވާފައި ހުންނަ ގަޑި އިތުރުކޮށްފިއެވެ.
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)ގެ ބެލުމުގެ ދަށުގައި އޮންނަ ކުޑަކުދިންގެ ބަގީޗާ މިހާރު ހުޅުވަނީ ހަވީރު 4:00 އިން އިރުއޮއްސި 6:30އަށެވެ.
Dear @MariyaDidi MNDF belumuge dhashugaivaa Kudakudhin ge bageecha baynun emme furihama ah hifuma ethan hulhuvaafa hunna gadhi ithuru kuran jehay.
Mihaar hulhuvaafa hunnani Haveer 4 – 6.30 @Aniya_A @ppl_powers @MDVJustice @DhivehiJ @Huzam @nautymatox @fazyahmed pic.twitter.com/ATozJYTHcB— Naibthuth (@naibuthuthu3) November 25, 2018
ނައިބްތުއްތު ނަމުގައި ޓްވިޓާ ހެންޑުލް ގެންގުޅޭ މީހަކު މިނިސްޓަރ މާރިޔާ ޓެގްކޮށް ބުނެފައިވަނީ އެމްއެންޑީއެފްގެ ބެލުމުގެ ދަށުގައިވާ ކުޑަކުދިންގެ ބަގީޗާގެ ބޭނުން އެންމެ ފުރިހަމަ ގޮތުގައި ކުޑަކުދިންނަށް ހިފޭނެ ގޮތެއް ހެދުމަށް، ހުޅުވާފައި ބަހައްޓާ ވަގުތު އިތުރު ކުރަން ޖެހޭ ކަމަށެވެ. އަދި މިހާރު އެތަން ހުޅުވަނީ ހަވީރު 4:00 އިން އިރުއޮއްސި 6:30އަށް ކަމަށެވެ.
ނައިބުތުއްތު އަށް ޖަވާބު ދެއްވަމުން މިރޭ މާރިޔާ ވިދާޅުވީ ސްކޫލް ބަންދު ދުވަސްތަކުގައި ހެނދުނު 7:00 އިން ހެނދުނު 10:00 އަށް ކުދަކުދިންގެ ބަގީޗާ ހުޅުވާނެ އެވެ. އަދި އަސުރު ނަމާދަށް ފަހު ހުޅުވާ ގޮތަށް، މަޣުރިބު ނަމާދުގެ ބަންގިއާ ހަމައަށް އެ ތަން ހުޅުވާފައި ހުންނާނެ ކަމަށެވެ.
ބަގީޗާ ހުޅުވާ ގަޑި އިތުރުކުރުމާއި ގުޅިގެން ބައެއް ފަރާތްތަކުން ވަނީ އެ ނިންމެވުމަށް މަރުހަބާ ކިޔާފައެވެ.