ރިޔާސީ އިންތިހާބުގެ ކެމްޕެއިންނަށް 29 މިލިއަން ރުފިޔާ ރައީސް މައުމޫންއަށް ދެއްވިކަމަށް ރައީސް އިބްރާހިމް މުހައްމަދު ސޯލިހުގެ ސްޕެޝަލް އެންވޯއީ އަބްދުﷲ ޖާބިރު ދެއްކެވި ވާހަކަތައް ރައީސް މައުމޫން ދޮގު ކުރައްވައިފިއެވެ.
ޖާބިރު މިއަދު ކުރެއްވި ޓްވީޓެއްގައި ވިދާޅުވީ ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ވިލިނގިލީ ދާއިރާ އަށް އެމްޑީޕީ ޓިކެޓުގައި ވާދަކުރެއްވާ އޭނާގެ އަނބިކަނބަލުން ދިޔާނާ ސައީދަށް ހުރަހަކަށް ރައީސް މައުމޫން ވެވަޑައިނުގަންނަވާނެކަަމަށާއި ސަބަބަކީ ނިމިދިޔަ ރިޔާސީ އިންތިހާބުގައި ކެމްޕޭނަށް ރައީސް މައުމޫނަށް 29 މިލިއަން ރުފިޔާ ދެއްވާފައިވުމުން ކަމަށެވެ.
I am confident Dhiyana will be the next Member of Parliament for Vilingili/Kolamaafushi constituency representing MDP. Raees Maumoon will not be an obstacle in this journey. I paid 29 million Rufiyaa to Raees Maumoon for the campaign to win the Presidency for the MDP coalition.
— Abdulla jabir (@chairmanjabir) November 28, 2018
ޖާބިރުގެ ވާހަކަތަކަށް ރައްދު ދެއްވައި މައުމޫން އޮފީހުން ނެރުއްވި ބަޔާނެއްގައި ބުނެފައިވަނީ ގުޅިފައިވާ ސިޔާސީ ޕާޓީތަކުން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު އިންތިހާބު ކުރުމަށްޓަކައި ކުރި މަސައްކަތުގެ ތެރެއިން ރިޔާސީ އިންތިހާބުގެ ކެމްޕެއިނަށް، ރައީސް އަލްއުސްތާޒު މައުމޫން އަބްދުލް ގައްޔޫމާއި ކެމްޕެއިންގައި އިސްކޮށް ހަރަކާތްތެރިވި މައުމޫން ރިފޯމް މޫވްމެންޓްގެ ހީވާގި ޓީމަށް، އަބްދުﷲ ޖާބިރު އެއްވެސް ފައިސާއެއް ދީފައިނުވާނެ ކަމުގެ ޔަގީންކަން އެންމެހާ ދިވެހި ލޮބުވެތި ރައްޔިތުންނަށް އަރުވާކަމަށެވެ.
މައުމޫން ވިދާޅުވީ ޖާބިރު ހެއްދެވީ ކަނޑައެޅިގެން އިތުރު ފުޅެއް ކަމަށެވެ.