މޯލްޑިވްސް ތާޑްވޭ ޑިމޮކްރަޓުސްގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަން ކަމިޝަނުން މިއަދުދީފިއެވެ.
އިލެކްޝަން ކަމިޝަނުން ޕާޓީ އުފެއްދުމުގެ ހުއްދަދީފައިވަނީ ވިޔަފާރިވެރިންގެ ޖަމިއްޔާގެ ނައިބު ރައީސް އިސްމާއިލް އާސިފްއަށެވެ.
Maldives Thirdway Democrats partyge namugai siyaasee party eh ufehdhumahtakai kuran jehey kankan kurumuge huhdha Elections Commissionun dheefi pic.twitter.com/Av30bQAwcW
— Elections Commission (@ElectionsMv) November 29, 2018
އިލެކްޝަން ކަމިޝަނުން މިއަދު ބުނީ މޯލްޑިވްސް ތާޑްވޭ ޑިމޮކްރަޓުސްގެ ނަމުގައި ސިޔާސީ ޕާޓީއެއް އުފެއްދުމަށް ކުރަންޖެހޭ މަސައްކަތް ކުރުމުގެ ހުއްދަ ދީފައިވާ ކަމަށެވެ.
އިލެކްޝަނުން ވަނީ މިއަހަރުގެ އޮގަސްޓު މަހުގެ 5 ވަނަ ދުވަހު މޯލްޑިވްސް ލޭބަރ އެންޑް ސޯޝަލް ޑިމޮކްރެޓިކް ޕާޓީގެ ނަމުގައި ޕާޓީއެއް ހެދުމަށް ގާނޫނީ ވަކީލް އަބްދުﷲ ހަސީނަށް ދީފައެވެ.
ރާއްޖޭގައި ރަޖިސްޓްރީ ވެފައިވާ ސިޔާސީ ޕާޓީތަކުގެ ތެރޭގައި ހިމެނެނީ، މޯލްޑިވިއަން ޑިމޮކްރެޓިކް ޕާޓީ (އެމް.ޑީ.ޕީ)، ދިވެހި ރައްޔިތުންގެ ޕާޓީ (ޑީ.އާރް.ޕީ)، ޢަދާލަތު ޕާޓީ (އޭ.ޕީ)، ޖުމްހޫރީ ޕާޓީ (ޖޭ.ޕީ)، ޕްރޮގްރެސިވް ޕާޓީ އޮފް މޯލްޑިވްސް (ޕީ.ޕީ.އެމް) އަދި މޯލްޑިވްސް ޑިވެލޮޕްމެންޓް އެލަޔަންސް (އެމް.ޑީ.އޭ) އެވެ