ރައީސް އިބްރާހިމް މުހައްމަދު ސޯލިހު އާއި އެކު ގާތް އެކުވެރި ގުޅުމެއް ބާއްވަން ބޭނުންކަމަށް ކުރީގެ ރައީސް ޑރ. މުހައްމަދު ވަހީދު ހަސަން މަނިކު ވިދާޅުވެއްޖެއެވެ.
ރައީސް ނަޝީދުގެ ނައިބް ރައީސް ކަމުގައި ހުންނަވަނިކޮށް 2012 ފެބްރުއަރީ 7 ވަނަ ދުވަހު ނަޝީދު ރައީސް ކަމުން އިސްތިއުފާ ދެއްވުމާއި ގުޅިގެން ރައީސްކަމަށް ވަޑައިގެންނެވި ޑރ. ވަހީދު ވަނީ ރައީސް އިބްރާހިމް މުހައްމަދު ސޯލިހުގެ އަރިހަށް އިހުތިރާމުގެ ޒިޔާރަތެއް ކުރައްވާފައެެވެ.
This morning I made a curtesy call on HE President Ibrahim Mohammed Solih and offered him my friendship and support. I wished him success in every way. @ibusolih
— Mohamed Waheed (@DrWaheedH) November 29, 2018
ރައީސް ސޯލިހު އާއި ބައްދަލުކުރެއްވުމަށް ފަހު ޑރ. ވަހީދު ކުރެއްްވި ޓްވީޓެއްގައި ވިދާޅުވީ ރައީސް ޞާލިޙްއާ ބައްދަލުކުރައްވައި އެމަނިކުފާނާއި، ރަޙްމަތްތެރި ގުޅުމެއް ބާއްވަން ރައީސް ވަހީދު ބޭނުންފުޅުވާކަން ހާމަކުރެއްވިކަމަށާއި، ހުރިހާ ގޮތަކުންވެސް ރައީސް ޞާިލޙް އަށް ކުރިއެރުމާއި ކާމިޔާބީއަށް އެދިވަޑައިގަންނަވާނެކަމަށެވެ.
އެމްޑީޕީ ސަޕޯޓަރުންގެ "ބާޢީ"އެއްގެ ގޮތުގައި މުހާޠަބުކުރައްވާ ޑރ. ވަހީދުވަނީ ރައީސް އިބްރާހިމް މުހައްމަދު ސޯލިހު ހުވާކުރެއްވުމުގެ ހަފްލާގައިވެސް ބައިވެރިވެވަޑައިގެންފައެވެ.