"ގައުމީ ވިންދު"ގެ ނަމުގައި ސިޔާސީ ޕާޓީއެއް އުފައްދަން ކުރަންޖެހޭ ކަންކަން ކުރުމުގެ ހުއްދަ އިލެކްޝަންސް
ކޮމިޝަނުން ދީފި އެވެ.
ގައުމީ ވިންދު ޕާޓީ ހެދުމުގެ ހުއްދަ ދީފައިވަނީ ރައީސް ޔާމީނާއި ގާތް ގުޅުމެއް އޮންނަ މުހައްމަދު ރަމީޒު އަލީ (އޮގަރު ރަމީޒު)އަށެވެ.
"Gaumee Vindhu" namugai siyaasee party eh ufehdhumahtakai kuran jehey kankan kurumuge huhdha Elections Commissionun dheefi pic.twitter.com/W8CiOuDRKp
— Elections Commission (@ElectionsMv) December 6, 2018
އިތުރު ޕާޓީއެއް ހެދުމުގެ ހުއްދަ އިލެކްޝަނުން ދިން އިރު ދާދި ފަހުން މޯލްޑިވްސް ތާޑްވޭ ޑެމޮކްރެޓްސް (އެމްޓީޑީ)ގެ ނަމުގައިވެސް ސިިޔާސީ ޕާޓީއެއް އުފެއްދުމުގެ ހުއްދަ ވަނީ ދީފައެވެ. އެޕާޓީ ރަޖިސްޓްރީ ކުރުމަށް ބޭނުންވާ 3000 މީހުންގެ ސޮއި ހޯދުމުގެ މަސައްކަތް ކުރަމުންދާއިރު އެ ޕާޓީ އާއި އެންމެ ފުރަތަމަ ގުޅިފައިވަނީ ކުރީގެ ނައިބް ރައީސް އަހުމަދު އަދީބްއެވެ.
އިލެކްޝަންސް ކޮމިޝަނުގައި ރަޖިސްޓްރީކޮށްފައިވާ 6 ޕާޓީއެއް އެބަ އޮތެވެ. އެއީ އެމްޑީޕީއާއި، އަދާލަތު ޕާޓީއާއި، ޖުމްހޫރީޕާޓީއާއި، ޑީއާރުޕީއާއި،
އެމްޑީއޭގެ އިތުރުން ޕީޕީއެމް އެވެ.