ވެލާނާ އިންޓަނޭޝަނަލް އެއާޕޯޓަށް ވަޒީފާއަށްދާ މުވައްޒަފުންނަށް ހިލޭ ސައިކަލް ޕާކް ކުރެވޭ ގޮތް ހަދައިފިއެވެ.
މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ވަނީ 700 ސައިކަލް ޕާކް ކުރެވޭނެ ޕާކިން ޒޯނެއް އެއާޕޯޓު މުވައްޒަފުންނަށް ތައްޔާރުކޮށްފައެވެ.
Sarukaarun 100 dhuvas thereygai kurumah kanda alhaafaivaa Airport gai masaikah kurahvaa muvazzafunnah hiley motorcycle park kuraane sarahadheh gaaim koh e sarahadhu miadhun feshigen beynun kuran feshun @aishath_nahula @MACLmedia @CustomsMv @ImmigrationMV pic.twitter.com/oV9Hl0rr7U
— Transport Authority (@TransportMV) December 10, 2018
އެމްއޭސީއެލްއިން ބުނީ އެއާޕޯޓު ވަޒީފާއަށްދާ ހުރިހާ މުވައްޒަފުންނަށްވެސް ޕާކިން ޒޯނު ހުޅުވާލާފައިވާ ކަމަށެވެ.
އެއާޕޯޓު މުވައްޒަފުންނަށް ހާއްސަކުރި ޕާކިން ޒޯނު ހުޅުވުމުގެ ރަސްމިއްޔާތުގައި ޓްރާްންސްޕޯޓު މިނިސްޓަރ އައިޝަތު ނަހުލާ ވިދާޅުވީ، މިއީ މި ސަރުކާރުގެ ފުރަތަމަ 100 ދުވަހުގެ ތެރޭގައި ފުއްދަވަން ސަރުކާރުން ވައުދުވި ވައުދެއްކަމަށެވެ. އައިޝާ ވިދާޅުވީ މި ވައުދާއި އެކު ޓްރާންސްޕޯޓު މިނިސްޓްރީން ފުރަތަމަ 100 ދުވަހަށް އަމާޒުކުރި 15 ވައުދުގެ ތެރެއިން ފަސް ވައުދު ފުއްދުނީ ކަމަށެވެ.
އެމްއޭސީއެލްއިން ބުނީ މިއަދުން ފެށިގެން ޕާކިން ޒޯން މުވައްޒަފުންނަށް ހުޅުވާލެވޭނެކަމަށެވެ.